A Coruña celebra nas rúas o Día Internacional da Danza

Cada 29 de abril, o mundo enteiro conmemora o nacemento de Jean Georges Noverre (1727-1810), o máis grande coreógrafo do seu tempo e o creador do ballet moderno. Co recoñecemento da UNESCO desa data como Día Internacional da Danza, diferentes entidades organizan actos para poñer en valor a importancia das artes do movimento. O concello da Coruña acaba de facer pública a programación para esa efeméride que terá lugar do 26 ao 29 de abril e que consiste en catro actuacións de danza e dous obradoiros. Entre as actividades de danza, que se desenvolven en diferentes escenarios, hai baile tradicional e contemporáneo, así como un traballo experimental de reinterpretación da curtametraxe E as chamineas decidiron escapar do premiado director Oliver Laxe.

O Grupo de Música e Baile Tradicional Xacarandaina actuará na Praza de María Pita de A Coruña o día 28 de abril ás 18.30 h (en caso de choiva trasladarase ao Teatro Rosalía).

[singlepic id=370 w=320 h=240 float=]

Fonte: Culturagalega