As axudas aos bens patrimonio da humanidade caen á metade en 2013

A cultura volve sufrir un novo recorte e nun área especialmente sensible como é a da conservación e promoción dos bens declarados patrimonio da humanidade. E é que o Estado rebaixará máis da metade as axudas destinadas a estes bens. Así, se en 2012, 47 entidades percibiron dous millóns de euros, en 2013 esta cifra rebaixase a 917.000 euros.

Unha situación que afectará ao impulso do turismo que nos últimos anos foi relevante en Santiago, Lugo e A Coruña a conta dos bens que teñen esta catalogación; a cidade vella compostelana; a muralla romana de Lugo e a Torre de Hércules coruñesa, ademais, do Camiño de Santiago, polo que atravesan Galicia centos de milleiros de pelegríns cada ano.

O recorte máis duro

Esta é o peor recorte sufrido para este tipo de bens dos últimos anos desde que no 2009 comezaran a minguar as subvencións. Entón foron de 2,5 millóns de euros. En 2010 baixou a 2,29 millóns e en 2011 a pouco máis de dous millóns.

O pasado ano o Estado concedeu 47 subvencións, delas, catro foron para Galicia por un montante total de 152.580 euros. Así, o concello de Santiago recibiu 45.000 euros para o Econtro de xestores de Patrimonio Muncial e 47.000 euros para o entorno da muralla de Santiago de Compostela, respectivamente. O da Coruña, 58.080 euros para a promoción dos valores da Torre de Hércules e as accións destinadas ao público xeral, estudantes e discapacitados e o de Palas de Rei, 2.500 polo IX Congreso do Camiño de Santiago.

Restauración e conservación

A maior parte das subvencións foron para proxectos de restauración e conservación, ademáis de proxectos de difusión do patrimonio. Entre os proxectros subvencionables destacaron, o pasado ano, a restauración da cuberta da cripta da Colonia Guëll, a muralla de Segovia ou a porta de Marchena do Real Alcázar de Sevilla.

Fonte: GaliciaConfidencial