Baía únese á celebración do Día Mundial do Medio Ambiente

Se algo chama a atención da mensaxe deste ano é precisamente a sinxeleza e minimalismo co que Nacións Unidas nos anima a que este 5 de xuño dediquemos un intre “a estar na natureza”.

Máis da metade da poboación do planeta vive en cidades na actualidade e estímase que no ano 2050 esta cifra alcanzará o 70%. En consecuencia, máis da metade da poboación do planeta perdemos o privilexio de respirar aire puro, de contemplar a beleza do sinxelo: plantas, flores e arbustos crecendo ou os insectos traballando para nós a través da polinización. Tampouco está ao noso alcance gozar dos sons da natureza: o rumor do auga, o canto dos paxaros, o ruído das árbores e o movemento das súas ramas. En definitiva, perdemos o privilexio de estar “en e coa natureza”. E esa falta de conexión xera un déficit de comprensión e de concienciación.

E precisamente isto é o que Nacións Unidas quere reivindicar na conmemoración do Día Mundial do Medioambiente. A volta ás orixes, unha chamada á reconexión coa natureza. Baía Edicións únese tamén a esta idea de conmemoración do Día Mundial do Medioambiente animando a todas e todos vós a realizar unha nova vinculación coa natureza.

Fonte: Fundación Aquae