Morre o fundador de Voces Ceibes, Benedicto García

O cantautor, sindicalista e mestre Benedicto García Villar, fundador do colectivo galego de canción protesta Voces Ceibes, faleceu este luns aos 71 anos (Santiago de Compostela, 1947). Coñecido artísticamente polo seu nome de pila, foi un músico e activista da lingua galega. Foi militante do Partido Comunista de Galicia e despois de Comisións Obreiras, sindicato para o que traballou unha vez restaurada a democracia. Os seus achegamentos á música apenas foron máis que testemuñais tras o seu segundo disco, xa que se retirou da vida pública fai uns anos por mor da enfermidade de Huntington que padecía.

Foto

 

O GALEUSCA terá lugar na Coruña entre o 13 e o 15 de xuño

As editoras en lingua galega, catalá, valenciana e vasca, reuniranse na Fundación Luís Seoane da Coruña, entre os días 13 e 15 de xuño, no encontro GALEUSCA de editoras, de carácter bianual e desta volta organizado pola Asociación Galega de Editoras, en colaboración coa Asociación  de Editores en Lingua Vasca (Euskal Editoreen Elkartea), a Associació d ´Editors en Llengua Catalana e a Associació d’Editors del País Valencià.

O programa das xornadas profesionais Galeusca centrarase en varias sesións de traballo a cargo das persoas representantes dos distintos gremios:

  1. Panorama da edición nas linguas dos territorios Galeusca.
  2. Propostas e políticas proactivas da situación editorial.
  3. Plans de lectura. Accións concretas e experiencias por cada área lingüística.
  4. Internacionalización do sector editorial nos territorios Galeusca.
  5. A igualdade no sector editorial, un proceso en construción.

Presentación de ‘Nube Branca quere ser astronauta’ na Feira do libro de Ourense

O xoves 31 de maio ás 18:00 horas tivo lugar a presentación, lectura e dramatización do libro Nube Branca quere ser astronauta na Feira do Libro de Ourense. Na presentación contamos coa participación de Belén López Vázquez (Directora de Baía Edicións) e de Pablo Nogueira, autor do libro.

Contido do libro:

Nube Branca devece por ver as estrelas de preto e coñecer a Lúa e os planetas do sistema solar. Tras o fracaso da construción dun foguete espacial, procura a axuda de Clarisa, Cacharrante, Antón e o sabio Octavio. Conseguirá, por fin, ser astronauta?
O especial tratamento da historia está concibido para a estimulación da linguaxe oral na educación infantil.

Autor: Pablo Nogueira

Ilustrador: Manuel Uhía

 

Entrega dos Premios Literarios do ano 2018

A Agrupaçom Cultural O Facho convida assistir à entrega dos prémios literários convocados pola nossa associaçom consistentes em umha quantidade em metálico e umha biblioteca doada polas editoriais: LaiaoVento, Sotelo Branco, Xerais, Galaxia, Baia, Toxos Outos. A realizaçom do acto efectuara-se em Portas Ártabras, às sete e meia do serám do dia 1 de Junho do ano que corre. Ao final do evento haverá um pequeno refrigério.

Concurso de Contos de nenos para nenos

Premios da Categoría A (Nenos e nenas de 9 a 12 anos):

Primeiro prémio: O orfanato de Marta Rodríguez González
Segundo prémio: A fábrica de nubes de Andrea Ramos Casal

Premios da categoría B. (Rapaces e rapazas de 13 a 16 anos):

Primeiro prémio: A princesiña peideira de Mariña García Iglesias
Segundo prémio: Catro segundos de María Carballo Rodríguez (Corunha)

Concurso de Poesia
Obra Ganhadora: Dialética. Autor: Daniel Barral Calvo

Concurso de Teatro Infantil
Obra Ganhadora: Pingas. Autora: Adela Clorinda Figueroa Panisse

Dia: 01 de Junho do 2018 – Hora: 7,30 do serám
Local: Portas Ártabras . Rua Sinagoga 22
Cidade Velha – Corunha

Fonte: O Facho

Baía presenta en Padrón ‘En branco e negro’, de Pere Tobaruela

Baía Edicións presenta o libro En branco e negro na Taberna O Tallón (Lugar de Vigo, s/n – A Escravitude, Padrón), o venres, 1 de xuño ás 20:30 horas.

A presentación correrá a cargo de Loly Santos Álvarez e contaremos coa participación de Belén López Vázquez (Directora de Baía Edicións) e de Pere Tobaruela, autor do libro.

Colabora: Libraría Pensamentos (Padrón).

Contido do libro:

Sara Martí, a protagonista de En branco e negro, é unha xornalista que se nega a aceptar a realidade tal como é. Así o manifesta nos seus artigos de opinión en Coses Nostres. A través de vivencias propias e alleas, Sara vai tecendo unha historia salpicada de recordos amargos: o exterminio nazi, unha violación, a guerra dos Balcáns, o asasinato dun ser querido, as represalias do réxime ditatorial na Guinea Ecuatorial despois da súa independencia, o desacougo dun amor frustrado…

Mais non todo é negro na vida de Sara, pois, como di un dos personaxes, recordando as palabras de Ernesto Sábato: “O mundo está cheo de horrores, de traizóns, de envexas; desamparos, tortura e xenocidios. Pero tamén de paxaros que levantan o meu ánimo cando escoito os seus cantos, na alborada; ou cando a miña vella gata adormece sobre os meus xeonllos; ou cando vexo a cor das flores, ás veces tan minúsculas que hai que observalas desde ben cerca”.

Baía Edicións presenta en Ourense ‘Nube Branca quere ser astronauta’

Baía Edicións ten o pracer de comunicar a presentación, lectura e dramatización do libro Nube Branca quere ser astronauta na Feira do Libro de Ourense, o próximo xoves, 31 de maio ás 18:00 horas.

Na presentación contaremos coa participación de Belén López Vázquez (Directora de Baía Edicións) e de Pablo Nogueira, autor do libro.

Contido do libro:

Nube Branca devece por ver as estrelas de preto e coñecer a Lúa e os planetas do sistema solar. Tras o fracaso da construción dun foguete espacial, procura a axuda de Clarisa, Cacharrante, Antón e o sabio Octavio. Conseguirá, por fin, ser astronauta?
O especial tratamento da historia está concibido para a estimulación da linguaxe oral na educación infantil.

Autor: Pablo Nogueira

Ilustrador: Manuel Uhía

Obras gañadoras dos Premios da III Gala do Libro Galego

A Asociación de Escritores e Escritoras en Lingua Galega (AELG), Asociación Galega de Editoras (AGE) e Federación de Librarías de Galicia (FLG) convocaron a terceira edición dos Premios Gala do Libro Galego, celebrada o sábado pasado 19 de maio de 2018 no Teatro Principal de Santiago de Compostela.

Así pois, faise pública a relación de obras gañadoras por cada modalidade dos premios.

OBRAS EDITADAS EN 2017

Ensaio e investigación

– Margot Sponer. Do galego antigo ás fronteiras da resistencia, de Antón Figueroa (Edicións Laiovento).

Divulgación

– Terra. Ciencia, aventuras e sorpresas dunha viaxe arredor do mundo, de Xurxo Mariño (Edicións Xerais de Galicia).

Narrativa

– A nena do abrigo de astracán, de Xabier P. DoCampo (Edicións Xerais de Galicia).

Infantil

– A señorita Bubble, de Ledicia Costas, ilustrado por Andrés Meixide (Edicións Xerais de Galicia).

Xuvenil

– Os nenos da varíola, de María Solar (Editorial Galaxia).

Libro ilustrado

– Tinta de luz, ilustrado por Berta Cáccamo, de Xosé María Álvarez Cáccamo (Chan da Pólvora Editora).

Libro de banda deseñada

 Alter-Nativo, de Jorge Campos (Aira Editorial).

Iniciativa bibliográfica

– Colección Xerais Básicos Ciencia (Edicións Xerais de Galicia).

Tradución

– Pippi Mediaslongas, de Astrid Lindgren, traducido por David A. Álvarez (Kalandraka Editora).

Poesía

– Camuflaxe, de Lupe Gómez (Chan da Pólvora Editora).

Teatro

 Río Bravo, de Chévere (Kalandraka Editora)

Libro mellor editado

– Lumes, de Ismael Ramos (Apiario).

 

PREMIOS ÁS TRAXECTORIAS

Iniciativa cultural ou fomento da lectura

– Viñetas desde o Atlántico.

Proxecto literario na rede

– Caderno da crítica, de Ramón Nicolás, https://cadernodacritica.wordpress.com/

Xornalismo cultural

– Ana Romaní.

O xurado quere facer constar que, pese a un escenario de retroceso no número de títulos publicados, da visibilidade e dos dereitos lingüísticos das persoas galegofalantes, brilla, mesmo así, a gran calidade e o esforzo do mundo do libro galego.

 

Fonte: AELG

 

Baía presenta en Santiago de Compostela ‘En branco e negro’, de Pere Tobaruela

Baía Edicións presenta o libro En branco e negro na Libraría Couceiro (Praza de Cervantes, 6 – Santiago de Compostela), o mércores, 23 de maio ás 19:30 horas.

A presentación correrá a cargo de Dolores Vilavedra e contaremos coa participación de Belén López Vázquez (Directora de Baía Edicións) e de Pere Tobaruela, autor do libro.

Contido do libro:

Sara Martí, a protagonista de En branco e negro, é unha xornalista que se nega a aceptar a realidade tal como é. Así o manifesta nos seus artigos de opinión en Coses Nostres. A través de vivencias propias e alleas, Sara vai tecendo unha historia salpicada de recordos amargos: o exterminio nazi, unha violación, a guerra dos Balcáns, o asasinato dun ser querido, as represalias do réxime ditatorial na Guinea Ecuatorial despois da súa independencia, o desacougo dun amor frustrado…

Mais non todo é negro na vida de Sara, pois, como di un dos personaxes, recordando as palabras de Ernesto Sábato: “O mundo está cheo de horrores, de traizóns, de envexas; desamparos, tortura e xenocidios. Pero tamén de paxaros que levantan o meu ánimo cando escoito os seus cantos, na alborada; ou cando a miña vella gata adormece sobre os meus xeonllos; ou cando vexo a cor das flores, ás veces tan minúsculas que hai que observalas desde ben cerca”.

 

Día das Galegas nas Letras 2018: Marica Campo

Achegándonos ao 17 de maio, DÍA DAS LETRAS GALEGAS, recordamos que o colectivo literario A Sega anunciou en febreiro que Marica Campo será a protagonista este 2018 do Día das Galegas nas Letras, que se celebra o 15 de agosto e que busca darlle visibilidade ás escritoras galegas e denunciar como a discriminación de xénero tamén se dá no ámbito literario. Con moito humor, a xente d’A Sega gravou un vídeo no que o espírito de Rosalía de Castro indica quen debía ser a homenaxeada. Antes de a Marica Campo, nas edicións anteriores A Sega dedicoulle esta data reivindicativa a Patricia Janeiro, María Xosé Queizán, María Victoria Moreno e Dorothé Schubart.

En Letra en Obras reproducimos o manifesto que se deu a coñecer canda a devandita nominación:

OS OLLOS DAS PATACAS

Antes da era das sementes transxénicas que cando nacen morren, a única maneira de que un campo puidese encherse de patacas era que estas botasen ollos e fillasen. Para que puidesen nacer patacas novas, precisábase doutras que desen algo de si, que mirasen cara á fóra, cara á terra que as rodeaba, que se mergullasen nela e sacasen o xermolo que levaban dentro.

Os ollos das patacas miran, xa que logo, cara a dentro e cara a fóra. Miran coa vontade de rescatar as que viñeron antes, mais tamén de crear espazo, terra remoída e vizosa, para as que veñen despois. É este un labor teimudo, artesán e sempre de corpo aberto.

Por desgraza, as patacas que botan ollos e fillan tenden a quedar soterradas. Por veces polo mero desleixo de quen fai os regos das leiras, porque semella que quen non está en certos centros non existe. Outras veces, as máis, porque quen determina a extensión do campo, faino, no canto de cos ollos das patacas, co ollo dun funil sexista, elitista e rancio. Un funil que ignora que sen patacas con ollos, non podería haber campos en flor cheos de palabras.

Hai autoras que son coma os ollos das patacas, como patacas con ollos, que dende a súa leira e o seu campo van tirando das que estaban aí, das que están ao lado. Sen preguntar de onde es ou que tipo de pataca serás no futuro, abren os seus ollos para abriren ollos en ti. Porque delas aprendemos cada unha que unha pataca soa non fai campo e que se precisan moitas para producir a vida e o alimento. Que con ese traballo de tubérculo alimenticio rachamos os marcos e invadimos novas leiras. As autoras dos ollos das patacas abren fendas no terrón seco do presente, co seu compromiso coa lingua, cos lugares e coas mulleres, sen dubidar un segundo en proporcionar anacos de si a quen teña terra que acollelos.

E nosoutras, que somos segadoras, agardamos as patacas. Queremos ser patacas con ollos. Que fillen tantas outras cálidas, profundas e combativas coma ela. Coma a Nosa Señora das Letras Marica Campo.

Fonte: Letra en obras

Baía presenta na Estrada ‘En branco e negro’, de Pere Tobaruela

Baía Edicións presenta o libro En branco e negro no Museo do Moble e da Madeira da Estrada [MOME] (Avenida Benito Vigo 92), o venres, 11 de maio ás 20:00 horas.

A presentación correrá a cargo de Pablo García “Chichas” e contaremos coa participación de Pere Tobaruela, autor do libro.

Contido do libro:

Sara Martí, a protagonista de En branco e negro, é unha xornalista que se nega a aceptar a realidade tal como é. Así o manifesta nos seus artigos de opinión en Coses Nostres. A través de vivencias propias e alleas, Sara vai tecendo unha historia salpicada de recordos amargos: o exterminio nazi, unha violación, a guerra dos Balcáns, o asasinato dun ser querido, as represalias do réxime ditatorial na Guinea Ecuatorial despois da súa independencia, o desacougo dun amor frustrado…

Mais non todo é negro na vida de Sara, pois, como di un dos personaxes, recordando as palabras de Ernesto Sábato: “O mundo está cheo de horrores, de traizóns, de envexas; desamparos, tortura e xenocidios. Pero tamén de paxaros que levantan o meu ánimo cando escoito os seus cantos, na alborada; ou cando a miña vella gata adormece sobre os meus xeonllos; ou cando vexo a cor das flores, ás veces tan minúsculas que hai que observalas desde ben cerca”.