Lembramos hoxe o libro de Fina Casalderrey, Un cabalo de lume (na colección Mar de letras)

Un cabalo de lume é un lamento que supón tamén un chamamento, o lamento polo deixado nos incendios e un chamamento á conservación do medio ambiente.

Ao avó Paco chéiralle a fume. “Uf, apesta!, exclama. Un grande incendio quéimao todo: as casas, as árbores, os animais… “Os homes non puideron facer iso, verdade?”, pregunta o bisneto. O señor Paco garda silencio.

Fina Casalderrey e Valentí Gubianas elaboraron unha historia conmovedora que nos anima a respectar a natureza.

Na colección Mar de letras, xogos e recreacións do cotiá.

Atopan o primeiro texto científico realizado polo astrónomo Ramón María Aller, datado en 1907

Paso de Mercurio por delante del disco del Sol el 14 de noviembre de 1907. Observaciones verificadas en Lalín.

Vén de ver a luz un texto inédito manuscrito de 40 páxinas de Ramón María Aller, atopado recentemente nos fondos bibliográficos do Observatorio Astronómico da USC. O documento está publicado en formato facsimilar no último número de Descubrindo. Anuario de estudios e investigación de Deza.

José A. Docobo, director do Observatorio compostelán e prologuista do facsímil, explica que “dado o seu interese e calidade, o documento abrangue todos os requisitos para ser considerado unha publicación científica”, o que ademais convertería a este documento, titulado Paso de Mercurio por delante del disco del Sol el 14 de noviembre de 1907. Observaciones verificadas en Lalín, “na primeira publicación ao tempo que a última do currículo do sabio lalinense”.

José A. Docobo explica que “dado o seu interese e calidade, o documento abrangue todos os requisitos para ser considerado unha publicación científica

Docobo destaca que o propio astrónomo e matemático Ramón María Aller Ulloa fixera constar que a súa primeira publicación científica data de 1912 e correspóndese coas observacións do cometa de Joannesburgo (1910a), incluídas nun traballo do Anuario do Observatorio de Madrid. Non obstante, constaba a súa participación anterior tanto na observación da eclipse de Sol de 1905 como na obtención dos rexistros do tránsito de Mercurio por diante do disco solar en 1907. A existencia destes últimos estaban garantidos por unha carta de contestación de Francisco Iñíguez, daquela director do Observatorio de Madrid, aínda que das observacións en si non se tiñan referencias.

Fonte: Praza pública

Literatura, música e terra na Praza dos Libros de Carballo

Festa das letras en pleno agosto.

Dende este xoves e ata o domingo día 25 o Xardín Municipal de Carballo acolle unha nova edición da Praza dos Libros, a feira da creatividade que pretende achegar a cultura “a pé de rúa” durante catro días. Desta volta a Praza dos Libros “conta con dous autores de maior proxección e recoñecemento da literatura galega” e “coas dúa scantantes máis internacionais e de maior proxección”, explican dende a organización: Manuel Rivas e Xosé Neira Vilas, por unha banda, e Mercedes Peón e Uxía Senlle, pola outra.

A escritora María Canosa será a encargada de pregoar a feira ás 13:00 horas do xoves e dende ese momento botará a andar un programa que presta especial atención ao público infantil, con actividades como contos, a Ciclobiblioteca, teatro con grupos como Migallas ou Fantoches Baj ou o espectáculo Rosalía pequeniña. O público adulto poderá gozar, máis contra o serán, por exemplo, da música da galego-palestina Najla Shami e o seu disco Na lingua que eu falo.

O domingo repetirase a experiencia ‘Un libro, un pan’ e a compra do libro implicará o agasallo dun pan de Carballo

Música e espectáculo convértense así en boa compaña para as verdadeiras protagonistas: as letras. Recitais, presentacións de libros ou sinaturas sucederanse ao longo de toda a feira con autores e autoras como Paco Souto, Rosalía Fernández Rial, Xosé Pumar Gándara ou os devanditos Rivas e Neira Vilas. “Hai que se alimentar coa palabra, mais tamén con patacas, queixo, froita…”, advirten dende Carballo. Por iso, explican, “ao lado dos libros estarán os mellores produtos da zona”, xa que o día 22 e o 25 “a Praza dos Libros convivirá coa Feira Tradicional de Carballo” e “os libros virán cun paz debaixo do brazo”, xa que “durante toda a maña’do domingo repetirase por oitava vez a experiencia Un libro, un pan, e todas as persoas que merquen un libro serán agasalladas cun pan de Carballo”.

Fonte: Praza Pública

Fabulando, a recente colección de Baía Edicións

Sol e fábulas, que máis se pode pedir para pasar un bo verán. Mon Daporta preséntanos a súa particular e divertida visión das coñecidas fábulas de Esopo e La Fontaine a través do galo Ernesto, a chicharra Chicho, o corvo Gundemaro e o sapoconcho Andrés, cos que de seguro pasaredes un bo momento.

   

Visualiza gratis un capítulo de A neve e o lume antes de decidires se queres coñecer a autora

Visualiza gratis un capítulo de A neve e o lume antes de decidires se queres pasar a coñecer a autora, Chelo Suárez Muíños, á Feira do Libro da Coruña, (martes 6, 19:00horas)

http://www.baiaedicions.gal/galego/a-neve-e-o-lume.html?SID=un755iinp8jcdqojftnnv818m2

Comentario:

Vén Chelo Suárez guiada por Alejandra Pizarnik cuxos versos son a epígrafe de cada capítulo, con ecos do mundo de Erzébet (Elisabeth ou Elizabeth) Báthory, a condesa sanguenta, aquela que fixera do sadismo máis brutal o seu emblema até se converter en paradigma da crueldade sen límites ao servizo do pracer sexual. Mais aquí non hai outra tortura que o alento axeado do misterio, o rostro da morte cando esta é violada, os poderes do Maligno desencadeados como a tormenta perfecta. O perigo axexa, docísimo, tras a porta. Traspasala é chegar ao mundo dos mortos viventes, aboiar para sempre entre o ser e o non ser.

Vén, sen pudores nin eufemismos, porén delicada, cunha historia imposíbel, mais verdadeira por coherente, co seu sentido alén da realidade.

Porque, a que tes nas mans, lector ou lectora afortunado na túa escolla, é unha novela gótica que, se gustas deste xénero, non te ha decepcionar.

[Do Prólogo de Marica Campo]

Hoxe presentamos a Henri, o mosquito, defendendo á cantante Miss Turata

Moscas e mosquitos adoitan aparecer á vez, coa chegada da calor, mais non todos son tan excepcionais como Henri, o mosquito da imaxe, a quen vemos na imaxe defendendo á cantante Miss Turata das avespas macarras. É de recibo recoñecer que Miss Turata é unha libélula tamén excepcional.

Tal é a excepcionalidade de Henri, que o seu creador, Raúl Dans, recibiu o  X Premio Barriga Verde de textos para teatro de monicreques na modalidade infantil.

Parabéns a Raúl Dans, a Henri e a Jacobo Serrano, polos fabulosos retratos das aventuras e desventuras de Henri.

Sabías que:

Moscas, mosquitos e tábanos pertencen todos á unha única orde, a DIPTERA, que en xeral son magníficos voadores. No mundo hai catalogadas 100.000 especies distintas, 15.000 delas están en Europa

Fonte: Insectos de Galicia, Jose Manuel Parada, Xosé lois Rei muñiz e Carlos rey Rañó (Bahía Edicións, 1997)

Saleta eo seu avó están totalmente decididos a acabar coa “Fadita fosca”

Saleta e o seu avó están totalmente decididos a acabar coa “fosca”, como di a pequena Saleta. A mosca, pola súa parte, asiste sorprendida desde o alto da libraría ao espectáculo que lle proporcionan.

Imaxes semellantes veranse a miudo en moitas casa do país, que deixan constancia da loita “corpo a corpo” entre humanos e o díptero, iso si, sen pesticidas.

Sabíades que:

As moscas forman parte de case todos os ecosistemas,  en todos os hábitats terrestres. As consecuencias da súa presenza no medio ambiente e na sociedade humana son de importancia excepcional, porque xunto cos mosquitos e só despois do home e os microorganismos patóxenos, as moscas son os seres vivos que causan máis dano e morte no planeta. Son axentes de transmisión dunha gran cantidade de enfermidades, incluíndo cólera, dengue, disentería, febre amarela, malaria, salmolenose e febre tifoidea;  e causan perdas significativas na produción de froitas e outros vexetais.

As moscas son tamén organismos moi importantes na reciclaxe dos refugallos de orixe animal e vexetal, un proceso esencial para a permanencia da vida na terra. Son tamén necesarias como alimento de paxaros, ras, e outros réptiles, morcegos, arañas e insectos varios.  Moitas moscas participan tamén na polinización  das plantas.

Fonte:  Baía Edicións e Galipedia

Martes 6 agosto, 19:horas presentación da novela gótica A neve e o lume

Ás 19:00: A neve e o lume

A escritora coruñesa Chelo Suárez e a tamén escritora e prologuista da obra, Marica Campo, farán unha introdución a esta singular novela dirixida ao público xuvenil e ilustrada moi certeiramente por Calros Silvar,

Comentario:

Vén Chelo Suárez guiada por Alejandra Pizarnik cuxos versos son a epígrafe de cada capítulo, con ecos do mundo de Erzébet (Elisabeth ou Elizabeth) Báthory, a condesa sanguenta, aquela que fixera do sadismo máis brutal o seu emblema até se converter en paradigma da crueldade sen límites ao servizo do pracer sexual. Mais aquí non hai outra tortura que o alento axeado do misterio, o rostro da morte cando esta é violada, os poderes do Maligno desencadeados como a tormenta perfecta. O perigo axexa, docísimo, tras a porta. Traspasala é chegar ao mundo dos mortos viventes, aboiar para sempre entre o ser e o non ser.

Vén, sen pudores nin eufemismos, porén delicada, cunha historia imposíbel, mais verdadeira por coherente, co seu sentido alén da realidade.

[Do Prólogo de Marica Campo]

Martes 6 agosto, 18:00 horas Presentación de Fadita fosca! na Feira do Libro da Coruña

Presentación de Fadita Fosca! na Feira do Libro da Coruña, con Miguel Vázquez Freire

Miguel Vázquez Freire e o  ilustrador betanceiro Xosé Tomás, quen  realizará tamén un taller de ilustración dirixido ao público infantil, acompañados da directora editorial de Baía Edicións, Belén López Vázquez, farán un achegamento crítico a esta obra incluída na colección infantil Mar de Letras.

O avoíño de Saleta ten unha teima. Acabar con todas as malditas moscas que enchen a casa cando chega a calor. Saleta decide axudalo. Pero cazar moscas non é cousa doada. E á avoíña o resultado non lle convence nada nadiña. Ai, esa fadita fosca!

Fadita fosca! pecha a triloxía de Miguel Vázquez Freire, comezada con María é maior (Colección Xiz de Cor) e continuada con Xurxiño quere ser… (Colección Mar de Letras), dedicada ás máis pequenas e aos máis pequenos da casa. Nela María, Xurxiño e Sabela, como auténticos protagonistas das historias, mostran a súa visión particular do mundo que os arrodea e dan coa solución máis intelixente aos problemas que se lles presentan a diario.

Un mosquito de nome Henri

Obra gañadora do X Premio Barriga Verde (modalidade infantil), editada m coedición coa AGADIC.

Henri quere ser piloto de aviación, mais ten un pequeno problema: é miope.

Un mosquito de nome Henri é unha historia de superación e de aprendizaxe na que o mosquito Henri, en compaña da súa inseparable amiga Olivia, levantará o voo nunha aventura chea de piruetas e picados mortais rumbo ao seu destino: ser un heroe. E para iso vaise ter que enfrontar á malvada avespa Roque.

Unha libélula cantante de jazz, unha araña pianista, un moscón excampión dos pesos pesados… E moitos personaxes máis nunha historia para que os cativos leven os seus pais ao teatro e xuntos gocen cun relato de iniciación aos desafíos que a vida nos reserva a todos nós. Mesmo se es un mosquito.

MÁIS INFORMACIÓN