Cultura impulsará o uso do galego con ‘FalaRedes 2013’

O secretario xeral de Política Lingüística, Valentín García, explicou que o espectáculo infantil ‘A nena e ou grilo nun barquiño’ é unha das novas actividades que conformarán a segunda edición do programa de dinamización lingüística ‘Falaredes’ e que chegará a entidades locais integradas na Rede de Dinamización Lingüística (RDL) da Xunta.

Presentouno este xoves na localidade coruñesa de Carral, onde estivo acompañado polo alcalde do municipio, José Luís Fernandez, e o responsable de Urdime, a empresa xestora da actividade, Xaime López.

Na súa intervención, Valentín García destacou que con esta nova edición de ‘Falaredes’ a Secretaría Xeral de Política Lingüística “pretende consolidar unha programación de actividades anual e estable” posta en marcha o ano pasado.

Así mesmo, o secretario xeral destacou a “importancia” das actividades de dinamización como “ferramentas para romper prexuízos e achegar o galego á sociedade no seu tempo de lecer, cargándoo de valores positivos e asociándoo aos formatos e contextos máis actuais”.

Segundo explicou a Xunta, ‘A nena e ou grilo nun barquiño’ é un espectáculo de dinamización lingüística que mestura música, lingua, ilustración, poesía, teatro e baile en directo. Así, os máis pequenos poderán coñecer unha viaxe no que o mundo preséntase como unha nova aventura que descubrir.

Os protagonistas deste espectáculo de 60 minutos de duración, comandados polo creador e músico Magín Branco, irán descubrindo o mundo e os seus segredos, ao mesmo tempo que conquistan o seu mundo interior.

Fonte: El Correo Gallego

Foto