O Festival de Teatro Galego do Carballiño cumpre 25 anos

O Festival de Teatro Galego, que con carácter anual se celebra no Carballiño, chega neste 2014 á súa 25ª edición e para celebralo reunirá no concello ourensán entre mañá e o venres ás principais compañías das artes escénicas de toda a comunidade galega.

Organizado pola Asociación Cultural Fetega, en colaboración coa Xunta de Galicia, a Deputación de Ourense, o Concello do Carballiño, o Agadic, ABANCA, AXA Seguros, Ocaso e Empresa Montañesa, o festival exhibirá no Carballiño diferentes espectáculos teatrais protagonizados, entre outros, por destacados actores como Ernesto Chao, Celso Parada, Rosa Álvarez, Yolanda Muíños, César Goldi ou Carlos Mosquera.

Os días 2, 3, 4 e 5 de setembro ás 22:30 horas no Auditorio terán lugar as actuacións para público adulto do 25º Festival de Teatro Galego do Carballiño. Para o público infantil e familiar tamén haberá espectáculos a esgalla, no Anfiteatro, na Casa da Cultura e na Praza do Concello. Fábula Galénica, de Fantoches Baj, gañador do VIII Premio Barriga Verde de textos para teatro de monicreques modalidade infantil. A función será o mércores 3 de setembro ás 19:30 horas no Anfiteatro do Carballiño.

Non volo perdades!!!! Gratuito!!!!!

Fonte: El Correo Gallego