Os usuarios das bibliotecas públicas galegas aumentan un 15% desde 2010

A colección da Rede de Bibliotecas Públicas de Galicia alcanzou os 5.136.587 exemplares en 2012, o que supón un crecemento do 7,3% nos tres últimos anos, segundo os datos facilitados pola Consellería de Cultura, onde tamén revelan que o número de usuarios aumentou un 15,56% desde 2010 e xa superan os 698.000.

O secretario xeral de Cultura, Anxo Lorenzo, a subdirectora xeral de Bibliotecas, Cristina Rubal, e o conselleiro de Cultura, Jesús Vázquez presentaron onte un balance estatístico da actividade das bibliotecas que revela que os préstamos durante o ano pasado superan os 2.448.000, rexistrando un aumento do 7,5% respecto de 2011. A maioría dos usuarios aposta polo libro (69%), aínda que cada vez máis se acode á biblioteca para buscar produtos noutros soportes, como o audiovisual (27%).

Doutra banda, os usuarios aumentaron un 15,56% desde 2010 e rexistran un total de 698.797. Anxo Lorenzo sinala que a incorporación de “novas persoas” é unha das “tarefas máis importantes nas que se está traballando” desde os centros da rede, co obxectivo de converterse en “referencia” para o acceso aos libros e á información.

Fonte: La Opinión