Artigos

Presentación do ensaio ‘Xeografía real e mítica das augas de Galicia’ en Santiago de Compostela

Baía Edicións presentou en Santiago o libro Xeografía real e mítica das augas de Galicia, de Gonzalo Xosé de Francisco da Rocha. O acto tivo lugar o sábado 8 de maio de 2010, ás 20:00 horas, na carpa da Feira do Libro de Santiago de Compostela (Paseo da Ferradura) no que intervviron, ademais do autor, Manuel López Torrente (Profesor de Ciencias Sociais e Comunicación de Vigo e xornalista da CRTVG) e Patricia Gómez Uzal (Coordinadora editorial de Baía Edicións).

Texto de Manuel López Torrente na presentación do 8 de maio de 2010 na Feira do Libro de Santiago de Compostela. Ver

Proxecto didáctico ‘Os dereitos do neno e da nena’

O programa Bocaberta de Política Lingüística fará gozar aos máis pequenos cos contacontos, obradoiros e teatriños de Os dereitos do neno e da nena.  O proxecto didáctico OS DEREITOS DO NENO E DA NENA, organizado por Baía Edicións en colaboración coa Secretaría Xeral de Política Lingüística realizaranse durante un prazo de tres meses, de outubro a decembro, un mes en cada cidade e centro comercial; nun horario de seis a oito horas, nos centros comerciais O Porto Centro de Ocio de A Coruña, Ponte Vella de Ourense e As Termas de Lugo.

Esta campaña pretende achegar e promover o emprego do galego entre os máis pequenos a través dun programa de contacontos e obradoiros baseados na colección de libros infantil Os dereitos do neno e da nena, de Baía Edicións escrita por Teresa Sabaté e ilustrada por Carme Solá, colección de carácter didáctico dirixida a rapaces de máis de catro anos que relata diversas aventuras que lle suceden aos personaxes coas que se pretende que os máis pequenos se vexan identificados, conseguindo a través das ilustracións espertar o seu interese pola lectura en lingua galega, ademáis de promover nos nenos e nenas actitudes que faciliten a creación de situacións xustas no seu contorno e trasladarlles outros valores de vital importancia para o seu futuro como o compañeirismo, a xustiza, a igualdade entre mulleres e homes…, sendo único material similar existente en lingua galega. Ao final das sesións de Os dereitos do neno e da nena, os monitores farán entrega do libro que corresponda a ese día, repartindo un exemplar a todos os rapaces participantes nas sesións.

Presentación dos libros ‘Boa Sorte’ e ‘O tempo do revés’ en Santiago de Compostela

Presentación dos libros Boa Sorte e O tempo do revés na Fundación Caixa Galicia de Santiago de Compostela en 2008. A colección Meiga Moira inicia unha serie de relatos de ficción con trasfondo científico. A autora e presentadora de televisión María Solar, combina a trama literaria cos contidos científicos, e nestes números subxacen, por unha banda, a meteoroloxía, e por outra os movementos do planeta. Ademais da historia de ficción, conteñen actividades didácticas realizadas polo pedagogo Arturo Iglesias e o debuxante e profesor Xosé Tomás, quen tamén os ilustrou. Meiga Moira, personaxe insignia da colección que dá nome ao premio de literatura infantil e xuvenil, conducirá a nenos e nenas polo apaixoante mundo da Ciencia, a través, claro está, da literatura.

Baía Edicións presenta unha nova web informativa

Baía Edicións conta, ata o momento, cunha web-tenda (www.baiaedicions.gal) onde están incorporados todos títulos que actualmente temos publicados. Nela podemos visualizar as súas coleccións, os libros que compoñen cada unha delas, así como toda a información de cada un dos títulos: autoría, ilustración, ISBN, páxinas, comentario da obra, imaxe da capa do libro etc. incluíndo tamén a opción de compra ou de agasallo segundo nos interese. No caso de libros de narrativa, tanto de adultos como de infantil-xuvenil, contamos coa posibilidade de visualizar tamén un capítulo do libro, co fin de axudar aos usuarios da rede a facerse unha idea clara do conxunto total da obra, como se estivesemos remexendo nos títulos que atopamos na libraría.

Nesta mesma web, contamos cun espazo onde incorporamos novas a diario, en relación á actualidade editorial, presentacións etc. Xa que cada día contamos con máis usuarios e estes nos solicitan máis información, pensamos en ampliar a nosa web, creando novos espazos onde poder incorporar artigos, reseñas, imaxes, videos etc. Un espazo interactivo, onde a editorial, os autores, colaboradores e calquera persoa que o desexe poida compartir a súa opinión sobre os artigos que, nesta nova web, se expoñen. Neste novo espazo web incorporamos varios apartados: Novas sobre a actualidade, Material didáctico, Xuntanza de escritoras, Encontro coa natureza, galería de imaxes e videos, e unha serie de recomendacións que Baía Edicións fai a todos os usuarios.

No apartado ‘Xuntanza de escritoras’ serán as escritoras as protagonistas deste espazo. Terán a posibilidade de incorporar artigos, reseñas, notas, relatos etc. O que queremos con este espazo é que non sexa unha simple exposición de textos, pretendemos que sexa algo máis…. un espazo para as escritoras, para que falen do seu papel na sociedade, de como ven a literatura. Co apartado ‘Encontro coa natureza’ pretendemos achegar a natureza a todo o mundo (nenos, adultos, especialistas etc.), incorporando no mesmo, reseñas, calendario de conmemoracións, artículos de opinión, consellos medioambientais etc. Pretendemos que sexa un espazo no que poida participar todo o mundo, enviándonos todos aqueles escritos, artigos, reseñas… que consideredes interesante compartir.

A presentación deste novo espazo de Baía Edicións será o día 11 de abril! Esperamos as vosas suxestións e recomendacións para facer deste novo espazo web un lugar de encontro para todas e todos, amantes da literatura e da natureza!

Se o que queres é información, visítanos!

Un de cada catro títulos rexistrados en marzo foi un ebook

No mes de marzo rexistráronse no ISBN 8.238 títulos, dos que  2.114 foron dixitais, o 26%. A porcentaxe de libros dixitais rexistrados no primeiro trimestre do ano 2012 situouse no 22%, superando a  media do ano 2011 (17%).

No mes de marzo incrementáronse as cifras de catalogación de Ebook en todo o territorio do Estado. Os datos do primeiro trimestre foi  de 5.203 libros dixitais, dun total de 24.173.

Cómpre sinalar que práctica totalidade dos libros rexistrados en marzo xa se catalogaron co índice de materias internacional IBNC, o novo estándar adoptado polo sector do libro en España para clasificar de maneira normalizada as materias publicadas.

Fonte: AGE

Gran éxito do libro galego de ocasión

O libro galego de ocasión conta xa cunha experiencia de éxito grazas á colaboración do Concello de Allariz, a Librería Airas das Letras e aos editores galegos.

A fin de semana pechouse cunha notable asistencia de público maioritariamente familiar. Puxéronse á venda  648 títulos dos máis diversos xéneros a prezos exclusivos para esta tenda outlet, que demostrou que a venda do libro galego de ocasión vai ser unha oportunidade e que a súa saída depende da visibilidade e da promoción. A feira tamén foi unha estupenda plataforma para as editoriais representadas. Vendéronse moi ben os libros infantiles e xuveniles pero tamén a narrativa e o ensaio.

O magnífico espazo habilitado na entrada da cidade tamén foi o escenario de actividades lúdicas de fomento e animación á lectura.  A colaboración entre editores, libreiros e institucións municipais pode dar aínda moito xogo durante o ano 2012.

Fonte: AGE

Presentación na Coruña do libro ‘Deter o día cunha flor’ 1ª parte

Xulio López Valcárcel e Belén López Vázquez comentan a obra Deter o día cunha flor, de Luz Pozo Garza e José Valentín. Baía Edicións, 2009.