Entradas

Comeza a Feira do Libro de Pontevedra 2013

A Feira do Libro de Pontevedra desenvolverase no Paseo de Odriozola desde o 22 ao 26 de maio. Os stands de exposición e venda de libros estarán abertos de 11 a 14 horas e de 17 a 21 horas. A fin de semana o horario será de 11 a 14.30 e de 17 a 21.30 horas. Os autores asinarán exemplares dos seus libros nos espazos das librerías no evento.

Programa da Feira 

22 de maio. Mércores.

18.00 Contacontos: O Cullarapo Croque, de Miguel Ángel Alonso Diz, actividade organizada por por Nova Galicia Edicións.

19.00 Inauguración. Actuación do grupo música tradicional Os Alegres, de Pontevedra Intervencións institucionais.Dentro dos actos inaugurais, espectáculo cómico – musical a cargo de Ratman & Bobyn.

19.00 Montse Fajardo asinará exemplares do libro Matriarcas ns caseta de Libraría Paz.

20.00 Santiago Lopo asinará exemplares do seu libro Hora Zulú, publicado por Editorial Galaxia, na caseta da Libraría Paz.

20.00 Pilar Martínez asinará exemplares do seu libro A Galiña roxa, publicado por Kalandraka Editora, na caseta de Libraría Seijas.

20.00 Teatro Antroido representa Vida e obra de Roberto Vidal Bolaño, charla posta en escena entre a actriz Laura Ponte e o dramaturgo e fillo do autor, Roi Vidal Ponte.

23 de maio. Xoves.

18.00 Contacontos: Un reino complicado, a cargo de Fátima Fernández, na caseta da Biblioteca da feira.

18.00 Presentación do libro Miniaturas de Eugenio Granell. Música revelada. Participarán no acto Ramón Piñeiro (director artística) e Alejandro Vargas (compositor e director musical), que interpretará varias cancións do disco.

18.30 Nieves Abarca asinará exemplares dos seus libros Crímenes exquisitos e Martiryum na caseta de Cronopios Libros

19.00 O escritor Ramón Caride, presenta o seu libro Endogamia 0.2 (segunda entrega do proxecto AKTUAL, da colección Fóra de xogo), publicado por Edicións Xerais de Galicia. Participarán no acto Manuel Busto, Fran Alonso e o autor.

20.00 Presentación da novela Faneca brava, do escritor Manuel Portas, publicada por Edicións Xerais de Galicia. Xunto co autor, participarán no acto Antón Sobral e Fran Alonso.

24 de maio. Venres.

18.00 As marionetas do mundo e os mundos de Barriga Verde. Charla coloquio sobre os títeres galegos realizada por Comba Campoy, investigadora sobre a tradición de títeres galegos e Anxo García, titiriteiro e recuperador do espectáculo de Barriga Verde.

Presentación do DVD – libro Morreu o demo, acabouse a peseta, publicados pola Asociación Cultural Morreu o Demo.

19.00 A escritora Fina Casalderrey asinará exemplares do seu libro Fiz o coleccionista de medospublicado por OQO Editora, na caseta de Libraría Seijas.

19.00 O escritor Manuel Loureiro asinará exemplares de Apocalipsis Z, de Panini, na caseta de Libraría Paz.

19.00 Presentación do libro As lambetadas dos Larpeiros, publicado pola Editorial Galaxia, coa participación de Merche Rodal, autora do libro, o escritor Xosé Cermeño e Francisco Castro, representante da editorial.

20.00 Presentación do libro +cd + dvd De roda en roda. Música e danzas do mundo, de Suso Cancela, Pilar SampilJavier Jurado, publicado por Editorial Galaxia. Participarán no acto Suso Cancela e Pilar Sampil. Ao remate, haberá unha demostración de danzas do mundo a cargo de bailadores e bailadoras á que poderá sumarse todo o público que o desexe.

25 de maio. Sábado

12.30 O escritor Pedro Feijóo asinará exemplares do seu libro Os fillos do mar

13.00 Obradoiro de maxia: Escola de Maxía, impartido por Cucarandainas.

18.00 Contacontos na libraría Cronopios Libros.

18.00 Teatro Babaluva representa o seu espectáculo infantil Babacontos.

18.30 María Reimóndez asinará exemplares do seu libro En vías de extinción, publicada por Edicións Xerais de Galicia, na caseta da Libraría Paz.

19.00 Elena Gallego Abad na feira do libro. Sinatura encontro cos lectores da triloxía Dragal, (a serie do dragón galego), publicada por Edicións Xerais de Galicia.

19.00 Presentación do libro Feminismos de Olga Castro e María Reimóndez María Reimóndez, publicado por Edicións Xerais de Galicia. Participan no acto Manuel Bragado, director xeral da editorial e a autora do libro.

20.00 A escritora Valentina Formoso, presenta o seu libro Do estigma á estima, publicado por Edicións Xerais de Galicia.

20.00 Kiko Dasilva asinará exemplares dos seus libros na caseta de libraría Seijas.

26 de maio. Domingo.

12.00 Alberte B. Casal asinará exemplares do seu libro Arcadia. Os gardiáns do secreto, publicado por Circulo Rojo Editorial, na caseta da libraría D-Lectum.

13.00 Contos para quitar os medos. Contacontos a cargo de Paula Carballeira

18.00 Actuación de Susa Herrera, coas cancións dos seus libros para nenos. Ao remate do acto, asinará exemplares dos seus libros Cabárceno, Animais encantadores e Todos os animais ao caixón, na caseta de Libraría Seijas.

19.00 Tomás Gómez Ahola asinmará exemplares do seu libro Galiza Mutante, poder nuclear, publoicado por Urco Editora, na caseta da Libraría Paz

19.00 Presentación do libro Nair, de José Estévez López, publicado pola editorial Redelibros. O autor falará deste libro e de Fugaz coincidencia, de mesma colección.

19.30 Presentación do poemario Viaxe sen cancelas, de Xesús Bermúdez Tellado, publicado pola editorial Redelibros.

20.00 Presentación do libro Nada se esquece, de Puri Ameixide publicado pola editorial Redelibros

A partires das 19.00 horas, os autores asinarán exemplares dos seus libros na caseta da Libraría Cartabón.

Fonte: AGE

Autores galegos visitan o Saló del Còmic de Barcelona

Unha nutrida representación da banda deseñada galega visitará o Saló del Còmic de Barcelona que arrinca mañá. O evento contará, por suposto, con Miguelanxo Prado e David Rubín, que optan ao premio á Mellor obra de autor español publicada en España en 2012. Os dous autores participarán en diferentes sesións de sinaturas e actividades no evento, e Rubín ademais participará nas IX Jornadas Comiqueras SD/FNAC que se celebran en paralelo ao evento.

Pola súa banda, Lola Lorente e José Domingo achéganse ao encontro onde protagonizan senllas exposicións monográficas e asinarán exemplares dos seus traballos en diferentes postos.

A buscar novas oportunidades profesionais, visitarán o Saló tamén Norberto Fernández, Alex Cal ou Xermánico. Kiko da Silva tamén se achegará ao evento cos seus alumnos da escola de BD O Garaxe Hermético. A intención da visita é participaren nas actividades de formación e aulas maxistrais que se programan neste evento, así como coñecer diferentes autores e editores. Da Silva participa na exposición sobre o Western que se poderá ver no Saló. David Braña, pola súa banda, asinará exemplares das revistas El arca de las historietas e Cthulhu, nas que colabora con historias cortas.

Un clásico da zona de fanzines do evento como é Mariano Casas declinou este ano a súa presenza. Casas estará cos seus traballos en Graf, encontro de cómic de autor e edición independente que se celebra por vez primeira este ano na Cidade Condal.

Fonte: Culturagalega

Entrega do V Premio Meiga Moira a Ana María Galego Gen, por BANDEIRAS NEGRAS

Baía Edicións entrega o V Premio Meiga Moira de Literatura Infantil-Xuvenil 2012. O acto tivo lugar, na Libraría Lume da Coruña (Federico Macías, 3) o mércores día 3 de abril de 2013, ás 12:30 horas,  da obra da autoría da escritora Ana María Galego Gen, titulada Bandeiras negras, e ilustrada por Cristal Reza. No acto, ademais da autora, participou a directora de Baía Edicións, Belén López Vázquez, que se encargaron de facer un achegamento crítico a esta obra.

[nggallery id=30]

Xurado e criterios selectivos:

O Xurado, formado polas escritoras Marica Campo e Andrea Maceiras, gañadora do 4.º Premio coa obra Violeta tamurana, María Dores Fernández López, profesora de Ensino Medio de Lingua e Literatura Galega na Coruña, o ensaísta e profesor da UDC Carlos–Paulo Martínez Pereiro, que actuou de Presidente, e a directora editorial de Baía Edicións, María Belén López Vázquez, como secretaria, reunido o día 21 de setembro de 2012 resolveu conceder por unanimidade o 5º Premio Meiga Moira de Literatura Infantil-Xuvenil á obra presentada baixo o lema “Mago Chalupa”, na que destacou, entre outros aspectos,  que:

1)      Supón a recuperación para a literatura galega do xénero clásico de aventuras e máis en concreto o da narración de piratas.

2)      Incorpora unha perspectiva nova na voz narrativa feminina dunha escrava negra, reutilizando o recurso clásico da muller transvertida de home.

3)      Dálle nova vitalidade ás personaxes d’A Illa do Tesouro, completando os contornos e a personalidade da figura do John Silver.

4)      Emprega unha lingua axustada, expresiva e rica no desenvolvemento da historia.

5)      Se serve dos mellores recursos da técnica narrativa da page-turner, ao facilitar unha lectura continuada e implicar os lectores e as lectoras no narrado.

Sinopse da obra:

N’A Illa do Tesouro, Jim Hawkins, o narrador, ou Stevenson, o autor, non dan moitos detalles sobre a vida de Long John Silver. Só temos algúns trazos: que navegou co histórico capitán England, ou que está casado cunha muller negra.

Este é o xermolo de Bandeiras negras. Quen é esa misteriosa muller, onde coñeceu a Silver e como chegou a casar con el?

Páxina a páxina, coñeceremos as aventuras da pequena escrava Providence, quen se converterá no mariñeiro Chris e que navegará baixo as bandeiras dos piratas de máis sona: Bonnet, England… e Flint, o temible capitán do Walrus. Providence sabe cal é a vida á que está abocada dende o seu nacemento e será quen de rebelarse contra o seu destino. Non hai moitas oportunidades para as mulleres, e menos para as mulleres negras, no século XVIII. Pero as oportunidades, e a sorte, ás veces chegan andando sobre unha soa perna…

Feira do libro de Boloña 2013

Varios editores galegos de literatura infantil (Baía Edicións, Kalandraka, OQO, Nova Galicia Edicións, Ouvirmos e Hércules de Ediciones) participan esta semana na Feira do Libro de Boloña para promocionar as súas publicacións e visualizar o traballo dos seus colegas de todo o mundo, que unha vez ao ano se trasladan á cidade italiana de Boloña para participar na festa do libro infantil e xuvenil máis importante do mundo.

Os datos do mercado interior galego no ano 2011 reflicten un 21% dos títulos (en galego o 26,4%), o 21,8 % dos exemplares producidos (en galego 25,8%) e os seus cinco millóns de euros de facturación o 18,6 % das vendas (catro millóns en galego, o que supón o 18,9%). Cifras que amosan unha gran centralidade deste subsector da edición galega que, ademais de supoñer o 27,6% do catálogo vivo do sector (30,8% no caso do libro en galego), ten unha grande potencialidade de proxección internacional -sobre todo da man das editoras especializadas en álbum ilustrado.

‘Tokio 3’ imponse nos Maria Casares con 5 galardóns

Iluminación, música orixinal, escenografía, direccion (Marta Pazos) e vestiario (compartido) foron os cinco galardóns que levou a obra Tokio 3 de Voadora, na gala dos XVII Premios María Casares de Teatro que se celebrou o pasado mércores 27 de marzo. Fronte a esta obra, que foi a triunfadora da noite, Sarabela Teatro obtivo unicamente 3 galardóns dos dez aos que optaba con Viaxe a ningunha parte, a outra grande favorita desta edición. Adaptación-tradución, maquillaxe e mellor vestuario (compartido) foron os recoñecementos que recibiu nos premios que organiza a Asociación de Actores e Actrices de Galicia. Ibuprofeno Teatro, con Pequenos actos pseudorrevolucionarios, conseguiu pola súa banda os recoñecementos a texto orixinal e actriz (Marián Bañobre). O mellor actor protagonista foi para Xose manuel Olveira Pico polo seu traballo en Kafka e a bonca viaxeira.

Fonte: Culturagalega

Máis de 36 bibliotecas galegas celebran mañá o Día Internacional do Libro Infantil

Un total de 36 bibliotecas galegas confirmaron que realizarán algunha actividade mañá con motivo do Día Internacional do Libro Infantil, que se celebra recordando a xornada na que naceu o autor de contos tradicionais Hans Christian Andersen.

Espérase que ao longo de hoxe e mañá haxa máis adhesións en Galicia á celebración.

Na provincia da Coruña, de momento, rexístrase o maior número de bibliotecas participantes, un total de 19. No caso de Pontevedra, confirmaron a súa participación un total de nove. A gran maioría realizarán un bookcrossing, préstamo público de libros que se depositan en sitios non asiduos para a lectura.

No caso de Ourense e Lugo, en cada provincia, catro provincias realizarán actos con motivo da xornada, segundo informa a Asociación Galega do Libro Infantil e Xuvenil (Gálix) que propón realizar actividades de contacontos, bookcrossings, concursos ou outras actuacións.

Nesta edición, darase a coñecer a mensaxe da escritora Pat Moura, escritora méxico-americana de contos e poesía para nenos, en forma de poema que fala de “misteriosos castelos”, de “árbores en flor”, de nenas valentes, de “ler xuntos”.

Fonte: Faro de Vigo

A Asociación Galega para o Libro Infantil e Xuvenil presenta o catálogo de Literatura Infantil e Xuvenil 2013

A Asociación Galega para o Libro Infantil e Xuvenil, Galix, en colaboración coa Asociación Galega de Editores e mais a Consellaría de Cultura, presentou o venres pasado o Galician Books for Children & Young Adults 2013. Este catálogo recolle as 144 novidades que tiraron 40 editoras galegas para os máis novos ao longo do pasado ano. O volume, do que se editaron 500 copias e que estará tamén dispoñible na rede, será a carta de presentación das firmas e mais dos autores do país en feiras internacionais como as de Boloña, que se celebra entre os vindeiros días 25 e 28, Bos Aires, Guadalaxara ou Frankfurt, que se reincorpora ao calendario internacinal dos editores galegos, entre outras citas internacionais.

Segundo destacou Francisco Castro, de Galix, o proxecto achega sinopses en tres linguas e ilustracións de cada unha das obras, así como o contacto tanto dos editores como dos autores. Pola súa banda, Manuel Bragado, da Asociación Galega de Editores, destacou a importancia da LIX no mercado galego, que supón o 20% das vendas das editoras, apuntando o éxito internacional do álbum ilustrador e a aposta crecente pola banda deseñada entre os editores do país.

Catálogo Galician Books for Children & Young Adults 2013

Fonte: AGE

Baía Edicións participa na Feira do libro de Boloña

Varios editores galegos de literatura infantil (Baía Edicións, Kalandraka, OQO, Nova Galicia Edicións, Ouvirmos e Hércules de Ediciones) participan esta semana na Feira do Libro de Boloña para promocionar as súas publicacións e visualizar o traballo dos seus colegas de todo o mundo, que unha vez ao ano se trasladan á cidade italiana de Boloña para participar na festa do libro infantil e xuvenil máis importante do mundo. O Secretario Xeral de Cultura, Anxo Lorenzo, o presidente de GÄLIX Francisco Castro, o presidente da AGE, Manuel Bragado e Montse Pena, coordinadora do publicación, presentaron o venres catálogo de dereitos dos libros de infantil e xuvenil publicados en Galicia no ano 2012. Cento corenta e catro títulos de 19 editoras).

A publicación, como recolle Manuel Bragado en Brétemas, “amosa a diversidade e a excelencia acadada pola produción infantil e xuvenil galega”. A pesar da crise, é moi significativo que no pasado ano non se reducise o número de novidades infantís e xuvenís, sinala o presidente do gremio de editores, destacando a redución da tiraxe dos títulos. Asemade, Bragado subliña que é un mérito para os editores galegos que viron como a compra de exemplares para as bibliotecas públicas foron reducíndose nun 60% desde 2009 a 2012.

O libro infantil en Galicia 

Os datos do mercado interior galego no ano 2011 reflicten un 21% dos títulos (en galego o 26,4%), o 21,8 % dos exemplares producidos (en galego 25,8%) e os seus cinco millóns de euros de facturación o 18,6 % das vendas (catro millóns en galego, o que supón o 18,9%). Cifras que amosan unha gran centralidade deste subsector da edición galega que, ademais de supoñer o 27,6% do catálogo vivo do sector (30,8% no caso do libro en galego), ten unha grande potencialidade de proxección internacional -sobre todo da man das editoras especializadas en álbum ilustrado.

Fonte: AGE

Recorta e fai unha careta da túa personaxe favorita de Rodribico!

Rodribico é unha pega marza á que lle encanta estar forte e vivir todo tipo de aventuras. Rodribico habita nunha inmensa árbore, con grandes pólas, e no seu niño ten todas as comodidades que unha ave pode desexar.

Ademais de voar, xogar, e divertirse, o que máis feliz o fai é compartilo todo cos seus amigos e amigas.

Queres coñecelo?

Visita a súa web: RODRIBICO

Recorta a túa careta e disfrázate da túa personaxe favorita: RODRIBICO e HUGO LÓPEZ.

 

O emocionante día de Piti o caracol

O sol está a punto de saír e vai comezar para Piti, o caracol, unha xornada chea de perigos e abraiantes aventuras.

Máis información