Artigos

Cleopatra. Raíña do Nilo

Quen era Cleopatra?

Como raíña, foi admirada e desprezada. Como muller, era poderosa e apaixonada. E como lenda, Cleopatra é unha das personaxes máis célebres da Historia.

Desde o seu ascenso ao trono até a súa tráxica morte, Cleopatra levou unha vida excepcional, polo que aínda hoxe estamos cativados polo seu encanto, intelixencia e valentía.

Pero cal foi o seu destino como última raíña de Exipto? Como viviu e morreu esta gran muller?

MÁIS INFORMACIÓN

Calros Silvar presenta este venres O CARBALLO

O próximo venres 10 de Maio no Colexio Sada e Contornos de Sada presentará Calros Silvar O Carballo, editado por Baía Edicións.

Previamente acompañará aos alumnos nunha visita didáctica ao humidal d´As Brañas. E para completar a xornada, ás 19:00 da tarde, participará na presentación d´O Carballo na Libraría Carricanta de Betanzos.

Trinta grupos participan na edición de 2013 de Buxiganga

Comezaron sendo 12 os grupos que participaron na primeira edición de Buxiganga, o programa de teatro afecionado da provincia de Lugo. Hoxe presentouse a edición deste ano na que ese número medra ata 30. En total todos eles ofrecerán 62 funcións en espazos dependentes de concellos e de colectivos de carácter cultural. Desde a Deputacion de Lugo, entidade que promove esta iniciativa, quixeron destacar o papel que desempeña este programa en promoción do teatro amador e que este ano permite a incorporación, como novidade, de seis formacións.

Os colectivos Faro-Miño, de Chantada, Mequetrefes, de Antas de Ulla, Ollomao, de Barreiros, TeatroCrea, de Viveiro, Os Trocos, de Castro de Rei, e Xoldra, de Mondoñedo son as novas formacións que se integran neste proxecto que terá un prezo simbólico de 2 euros por entrada.

Nesta ocasión manteñen o caché dos grupos de teatro afeccionado de maneira que os grupos de ata cinco persoas cobrarán 300 euros por actuación, os grupos de entre seis e oito persoas cobrarán 500 euros por actuación, e os grupos de máis de nove persoas, 850 euros, a menos que un grupo realice o tope de 3 funcións, que pasarán a cobrar 250, 450 e 800 euros, respectivamente.

Fonte: Culturagalega

Mañá celébrase no Parque de Santa Margarita o XVIII Día de la Ciencia en la Calle

Centos de estudantes e profesores de 24 centros educativos, así como membros de numerosas entidades encherán con actividades as carpas e espazos de lecer instalados nas inmediaciones da Casa das Ciencias.

Os 3 Museos Científicos Coruñeses súmanse ao Día da Ciencia na Rúa con xornada de portas abertas desde as 11 da mañá.

Un ano máis os alumnos e profesores de centros escolares serán os protagonistas desta festa da ciencia. As carpas, instaladas ao aire libre no coruñés Parque de Santa Margarita, acollerán as numerosas e variadas experiencias que os estudantes prepararon para o público asistente.

O Día da Ciencia na Rúa, que organiza por decimoctavo ano consecutivo a Asociación de Amigos da Casa das Ciencias e os Museos Científicos Coruñeses, reunirá nesta convocatoria a máis dunha veintena de centros educativos da Coruña e a súa área metropolitana e tamén un instituto de Ribadeo.

Tamén estarán presentes institucións como a Facultade de Ciencias da Universidade da Coruña, as Bibliotecas Municipais, a Fundación Barrié, Equus Zebra e a radio comunitaria Cuac Fm, que retransmitirá por internet o desenvolvemento desta festividade.

O desfile de cabezudos de famosos científicos, acompañados de malabaristas e zancudos, xogos, concursos, a actuación da Banda Municipal e espectáculos de maxia completarán esta xornada festiva no Parque de Santa Margarita.

Museos Científicos Coruñeses

A Casa das Ciencias, a Domus e o Aquarium Finisterrae súmanse á festa con xornada de portas a abertas e actividades gratuitas nas súas instalacións. O Planetario da Casa das Ciencias presentará unha maratón de programas de planetario, con pases ás 11, 12, 13, 16, 17 e 18 horas. Na Domus celebraranse talleres de disección no novo Laboratorio Aberto, e ademais proxectarase a película en 3D “O último arrecife”, ás 12, 13, 17 e 18 horas. E no Aquarium o público poderá participar nun taller de biología da Charca das Caricias, entre outras actividades.

Unha sacudida de ciencia

O Día da Ciencia na Rúa ten a súa epicentro no Parque de Santa Margarita, ao redor da Casa das Ciencias. Produciranse réplicas na Domus e no Aquarium Finisterrae. A onda festiva chegará tamén a outros museos e atraccións da cidade: o Muncyt, a Torre de Hércules e o Castelo de San Antón tamén celebrarán unha xornada de portas abertas ese día.

Nesta romaría científica que sacudirá A Coruña, todo é posible: os visitantes terán a oportunidade de descubrir como coller unha moeda do auga sen mollarse, aprender a construír un robot, recibir consellos sobre unha dieta equilibrada ou fabricar un foguete de auga.

Fonte: Museos Científicos Coruñeses

A Academia de Belas Artes premia o Museo do Pobo

O plenario da Real Academia Galega de Belas Artes acordou, o pasado día 27, conceder a Medalla de Honra desta institución ao Museo do Pobo Galego. A Academia recoñece así coa súa máxima distinción anual “a creación dunha conciencia de defensa das raíces propias de Galicia en todas as súas facetas, que en torno ao Museo do Pobo Galego se veñen consolidando aos longo dos anos e que, ademais, recibe o importante apoio das institucións, do mundo empresarial e, sobre todo e de xeito moi decidido, da cidadanía”.

Fonte: Culturagalega

Entrega do V Premio Meiga Moira a Ana María Galego Gen, por BANDEIRAS NEGRAS

Baía Edicións entrega o V Premio Meiga Moira de Literatura Infantil-Xuvenil 2012. O acto tivo lugar, na Libraría Lume da Coruña (Federico Macías, 3) o mércores día 3 de abril de 2013, ás 12:30 horas,  da obra da autoría da escritora Ana María Galego Gen, titulada Bandeiras negras, e ilustrada por Cristal Reza. No acto, ademais da autora, participou a directora de Baía Edicións, Belén López Vázquez, que se encargaron de facer un achegamento crítico a esta obra.

[nggallery id=30]

Xurado e criterios selectivos:

O Xurado, formado polas escritoras Marica Campo e Andrea Maceiras, gañadora do 4.º Premio coa obra Violeta tamurana, María Dores Fernández López, profesora de Ensino Medio de Lingua e Literatura Galega na Coruña, o ensaísta e profesor da UDC Carlos–Paulo Martínez Pereiro, que actuou de Presidente, e a directora editorial de Baía Edicións, María Belén López Vázquez, como secretaria, reunido o día 21 de setembro de 2012 resolveu conceder por unanimidade o 5º Premio Meiga Moira de Literatura Infantil-Xuvenil á obra presentada baixo o lema “Mago Chalupa”, na que destacou, entre outros aspectos,  que:

1)      Supón a recuperación para a literatura galega do xénero clásico de aventuras e máis en concreto o da narración de piratas.

2)      Incorpora unha perspectiva nova na voz narrativa feminina dunha escrava negra, reutilizando o recurso clásico da muller transvertida de home.

3)      Dálle nova vitalidade ás personaxes d’A Illa do Tesouro, completando os contornos e a personalidade da figura do John Silver.

4)      Emprega unha lingua axustada, expresiva e rica no desenvolvemento da historia.

5)      Se serve dos mellores recursos da técnica narrativa da page-turner, ao facilitar unha lectura continuada e implicar os lectores e as lectoras no narrado.

Sinopse da obra:

N’A Illa do Tesouro, Jim Hawkins, o narrador, ou Stevenson, o autor, non dan moitos detalles sobre a vida de Long John Silver. Só temos algúns trazos: que navegou co histórico capitán England, ou que está casado cunha muller negra.

Este é o xermolo de Bandeiras negras. Quen é esa misteriosa muller, onde coñeceu a Silver e como chegou a casar con el?

Páxina a páxina, coñeceremos as aventuras da pequena escrava Providence, quen se converterá no mariñeiro Chris e que navegará baixo as bandeiras dos piratas de máis sona: Bonnet, England… e Flint, o temible capitán do Walrus. Providence sabe cal é a vida á que está abocada dende o seu nacemento e será quen de rebelarse contra o seu destino. Non hai moitas oportunidades para as mulleres, e menos para as mulleres negras, no século XVIII. Pero as oportunidades, e a sorte, ás veces chegan andando sobre unha soa perna…

Baía Edicións entrega o 5º Premio Meiga Moira de Literatura infantil e xuvenil 2012

 

A entrega do 5º Premio Meiga Moira de Literatura infantil e xuvenil 2012 á obra de Ana María Galego Gen, Bandeiras negras, terá lugar hoxe mércores día 3 de abril, ás 12:30 h., na Libraría Lume da Coruña (Federico Macías, 3 · Teléfono: 981 263 408).

No acto de presentación, no que se servirá un pequeno almorzo, ademais da autora, que, como gañadora da obra publicada por Baía Edicións na súa colección Meiga Moira, recibirá neste acto 2.500 euros, cantidade coa que está dotado o Premio, tamén intervirá Belén López Vázquez, directora editorial de  Baía Edicións, que se encargarán de faceren unha aproximación crítica da novela.

Xurado e criterios selectivos

O Xurado, formado polas escritoras Marica Campo e Andrea Maceiras, gañadora do 4.º Premio coa obra Violeta tamurana, María Dores Fernández López, profesora de Ensino Medio de Lingua e Literatura Galega na Coruña, o ensaísta e profesor da UDC Carlos–Paulo Martínez Pereiro, que actuou de Presidente, e a directora editorial de Baía Edicións, María Belén López Vázquez, como secretaria, reunido o día 21 de setembro de 2012 resolveu conceder por unanimidade o 5º Premio Meiga Moira de Literatura Infantil-Xuvenil á obra presentada baixo o lema “Mago Chalupa”, na que destacou, entre outros aspectos,  que:

  1. Supón a recuperación para a literatura galega do xénero clásico de aventuras e máis en concreto o da narración de piratas.
  2. Incorpora unha perspectiva nova na voz narrativa feminina dunha escrava negra, reutilizando o recurso clásico da muller transvertida de home.
  3. Dálle nova vitalidade ás personaxes d’A Illa do Tesouro, completando os contornos e a personalidade da figura do John Silver.
  4. Emprega unha lingua axustada, expresiva e rica no desenvolvemento da historia.
  5. Se serve dos mellores recursos da técnica narrativa da page-turner, ao facilitar unha lectura continuada e implicar os lectores e as lectoras no narrado.

Sinopse da obra

N’A Illa do Tesouro, Jim Hawkins, o narrador, ou Stevenson, o autor, non dan moitos detalles sobre a vida de Long John Silver. Só temos algúns trazos: que navegou co histórico capitán England, ou que está casado cunha muller negra.

Este é o xermolo de Bandeiras negras. Quen é esa misteriosa muller, onde coñeceu a Silver e como chegou a casar con el?

Páxina a páxina, coñeceremos as aventuras da pequena escrava Providence, quen se converterá no mariñeiro Chris e que navegará baixo as bandeiras dos piratas de máis sona: Bonnet, England… e Flint, o temible capitán do Walrus. Providence sabe cal é a vida á que está abocada dende o seu nacemento e será quen de rebelarse contra o seu destino. Non hai moitas oportunidades para as mulleres, e menos para as mulleres negras, no século XVIII. Pero as oportunidades, e a sorte, ás veces chegan andando sobre unha soa perna…

Información da autora

Ana María Galego Gen. Naceu en Ferrol, 1970. É licenciada en Filoloxía Hispánica pola Universidade da Coruña (1993). Actualmente exerce como profesora de Lingua Castelá e Literatura no Ensino Secundario, traballando no presente ano académico no IES Castella Vetula (Medina de Pomar, Burgos).

Publicacións e premios literarios

>     Terceiro premio no I Certame de Narrativa Curta organizado pola Consellería de Medio Ambiente (1999) coa obra Non era tempo de cacharelas.

>     Gañadora do II Certame de Narrativa Breve organizado pola Universidade de Santiago de Compostela (2001) co relato O malfadado ano no que perdín a moza por culpa dun robot, porque as desgracias sempre veñen mal acompañadas. (Publicada polo Servizo de Publicacións da Universidade de Santiago de Compostela, 2003)

>     Gañadora ex aequo do Premio “Estornela de Teatro para Nenos organizado pola Fundación Neira Vilas (2004), coa obra O porco que perdera a cabeza. (Publicado por Ediciós do Castro, A Coruña, 2005)

>     Finalista do 18º Certame de Narracións Breves “Manuel Murguía” organizado polo Concello de Arteixo (2009), coa obra As aventuras de Nice Rod. (Publicado pola Deputación da Coruña no volume colectivo De eirugas a bolboretas, 2010)

>     Gañadora do 2º premio no I Certame de Textos Teatrais “Manuel Rey Posse”, organizado polo Liceo Casino de Vilagarcía de Arousa (2011), coa obra Don Matute e a árbore que falaba.

>     Gañadora do 2º premio na categoría de adultos no I Concurso de Relatos “Río Órbigo”, organizado por el Ayuntamiento de Villarejo de Órbigo (2011), con la obra Es ojo porque te ve.

>     Gañadora do 2º premio no Certame “Ánxel Fole” organizado polo concello de Lugo (2012) co relato Neiges d’antan.

>     Gañadora do 2º premio no Certame “Happycurtis” organizado polo concello de Curtis co relato Tres mil setenta caracteres.

Traducións

>     Tradución ao galego de Bouvard et Pécuchet (2005), de Flaubert, de La cousine Bette (2008) de Balzac, e de Le cousin Pons (2012). Estas traducións están publicadas na Editorial Toxosoutos.

Outras publicacións

>     “Una aproximación a La doncella Teodor” en VVAA, Campus Stellae. Haciendo camino en la investigación literaria. Universidade de Santiago de Compostela. Santiago de Compostela, 2006.

>     “Lo monstruoso en la narrativa de Pilar Pedraza” en VVAA, Héroes, mitos y monstruos en la literatura española contemporánea. Andavira Editora. Santiago de Compostela, 2009.

Recorta e fai unha careta da túa personaxe favorita de Rodribico!

Rodribico é unha pega marza á que lle encanta estar forte e vivir todo tipo de aventuras. Rodribico habita nunha inmensa árbore, con grandes pólas, e no seu niño ten todas as comodidades que unha ave pode desexar.

Ademais de voar, xogar, e divertirse, o que máis feliz o fai é compartilo todo cos seus amigos e amigas.

Queres coñecelo?

Visita a súa web: RODRIBICO

Recorta a túa careta e disfrázate da túa personaxe favorita: RODRIBICO e HUGO LÓPEZ.

 

A illa do tesouro

Un día de moito vento, alguén peta na porta do “Almirante Benbow” a pousada dos pais de Jim Hawkins. É Billy Bones, un vello pirata que garda no seu cofre un gran segredo: o mapa do capitán Flint! O mapa da illa do tesouro! Para Jim e os seus amigos a aventura só acaba de comezar!

Máis información

O carballo, de Calros Silvar

Con esta obra, Baía Edicións pon en marcha unha nova colección (en formato grande e encadernación en capa dura) de divulgación de elementos singulares do noso medio natural, dirixida, fundamentalmente, a nenas e nenos de ensino primario, baixo o lema xenérico de A aventura de vivir.

Nesta primeira entrega, Calros Silvar, cun texto moi sinxelo e de fácil comprensión para as lectoras e os lectores aos que vai dirixido e mesmo cunha presentación do protagonista, humanizado ao modo dos contos clásicos e tradicionais dos animais falantes, como guía do seu ecosistema para os visitantes que acoden a coñecelo. Asemade, vai explicando quen son as árbores e, concretamente, os Quercus e as  diferenzas máis singulares entre as distintas especies,  como nacen, se desenvolven e como evolucionan durante o seu longo período de vida. Alerta tamén dos perigos que o axexan no presente e fai unha chamada para procurar a súa defensa como un piar básico da conservación da natureza. Finalmente, achegándose ao terreo cultural, explica os usos que as persoas fixeron deles e a importancia que en determinados aspectos tiveron para a evolución de moitos pobos e a súa pegada na cultura popular.

Convén salientar tamén e de forma moi especial o magnífico traballo de ilustración do seu autor, poñendo en evidencia o alto nivel da ilustración da natureza no noso país, onde Calros Silvar destaca por méritos propios.

Nova sobre a presentación do libro no Culturgal

Nova sobre a presentación do libro na Galería Sargadelos

AGPI fala do novo libro de Calros Silvar na súa web

Calros Silvar tamén no Diario de Ferrol falando da nova colección ‘Aventura de vivir’

Brabádegos. Portal de literatura infantil e xuvenil analiza O CARBALLO

Máis información