Artigos

‘Denébola a Roxa’ e ‘Historia das mulleres galegas’ entre os seleccionados para a 3ª ‘Guía de literatura infantil e xuvenil para a Igualdade’

A Asociación Galega do Libro Infantil e Xuvenil, GÁLIX, e a Secretaría Xeral de Igualdade veñen de publicar a III Guía de literatura infantil e xuvenil para a Igualdade. Esta publicación,m que está dispoñible xa para descarga na rede, pretende destacar aqueles libros que superan a discriminación de xénero, salvando estereotipos, prexuízos e roles de corte tradicional. Os 51 libros que aparecen nesta selección foron publicados nos anos 2014, 2015 e 2016 e segundo o equipo que os seleccionou ofrecen modelos de muller e de home acordes coa actualidade. As 51 obras distribúense en tres tramos de idade: primeiras lecturas, lecturas autónomas (a partir de 8 anos) e lecturas expertas (a partir de 12 anos). Este volume, xunto cos dous anteriores, está pensado para axudar a profesores, bibliotecarios, pais e nais, a escoller un tipo de lectura que, ademais da calidade literaria, sirvan para darlles a rapazas e rapaces necesitan novos personaxes cos que identificarse. A elaboración da Guía estivo coordinada por Pilar Sampedro.

III Guía de literatura infantil e xuvenil para a Igualdade

Fonte: Culturagalega