Educación recorre o auto sobre o decreto do galego

A Xunta xa presentou un recurso contra o auto do Tribunal Superior de Galicia no que se esixe a Educación que acate as sentenzas sobre o decreto do plurilingüismo. A alegación da Administración fundaméntase en que xa acatou a sentenza «escrupulosamente» mediante unha instrución remitida aos centros educativos hai unhas semanas. O auto do TSXG, sostén Educación, pode basearse en que non tiveron en conta estas directrices enviadas pola Xunta a todos os colexios e institutos. O Goberno de Feijoo vai máis aló e cuestiona o auto en canto a que só se poden anular actuacións contrarias á sentenza, e enviar aos centros un cuestionario para que respondan as familias do alumnado de infantil «non é contrario á sentenza». O resultado desta enquisa non terá o carácter vinculante que rexeitou o fallo xudicial, senón que servirá para dispor dunha información «obxectivamente necesaria».

Fonte: La voz de Galicia