O xogo con monicreques
Baía ven de publicar 4 títulos de libros con un divertido monicreque de dedo con forma de animal que favorecen a dramatización do conto: Divírtete con… Michi a gata, Tembo o elefante, Kera o orangután e Laica a cadela.
Os monicreques funcionan como pontes expresivas que permiten a nenas e nenos mirar o seu mundo interno e compartilo. Deixan de ser simples monecos para transformarse en personaxes de teatro.
Vantaxes do xogo con monicreques:
- Desenvolven a creatividade e a imaxinación: poden ser utilizados para que crear as propias historias. Nenas e nenos son os que deciden que farán e dirán os monicreques fomentando a imaxinación.
- Aumentan a capacidade de atención: estimulan a concentración da nena ou neno, pois debe manter a atención para crer as pesonaxes e idear historias. Se o seu papel é de expectadora, ten que manter a atención para axudar á personaxe principal a desenvolver a historia.
- Educa en valores: as historias que se representan con títeres normalmente falan de valores como tolerancia, xenerosidade ou vondade, transmitindo mensaxes positivas.
- Aprender xogando: case sen decatarse, nenos e nenas amplían o seu vocabulario e traballan a lóxica e a memoria, ademais de estimular a comprensión ao ter que interactuar coas personaxes.
- Favorecen a empatía: ao poñerse do lado de algunha das personaxes e axudarlle durante a historia. Isto axuda a poñerse no lugar de outas persoas e valorar os sentimentos que certas accións poden producir .
Por todas estas razónsos monicreques son un elemento educativo e pedagóxico moi útil. Non só ensinan a nenas e nenos mediante o xogo, senón que tamén lle transmiten unha mensaxe moral e educan en valores, ademais de axudar á comunicación verbal e non verbal.
