Entradas

Cultura “reforzará” o Consello Asesor do Centro Dramático para convertelo nun órgano “representativo” da profesión

Hoxe á mañá o Centro Dramático Galego presentou o que será o novo espectáculo da entidade: O profesional, coproducida entre o ente público galego e a Companhia de Teatro de Braga. O profesional substituirá a As furias, a derradeira obra programada pola anterior directora do CDG, Blanca Cendán. A obra, de Dusan Kovacevic, estrearase o 5 de outubro no Salón Teatro e estará dirixida polo novo director do CDG, Manuel Guede. Pero Cultura tamén destacou a reformulación do Consello Asesor do Centro Dramático, que “pasa de ser un órgano consultivo a un órgano representativo da profesión, a formación e a programación”. O Consello Asesor estará formado polas principais asociacións profesionais do sector (Escena Galega e a Asociación de Actores e Actrices de Galicia), da Escola Superior de Arte dramática e polos colectivos de programadores. O obxectivo, segundo Cultura, ´”é que se traten problemáticas concretas do ámbito teatral, que se abordarán dun xeito transversal a todos os estamentos implicados”.

Fonte: Culturagalega