Entradas

Paula Carballeira visita Betanzos coa Burra Ramona, así conmemoramos o Día da Narración oral

Na libraría Biblos será recibida polo ilustador, Xose Tomás. Paula contaranos a historia da burra e Tomás amosará como a debuxou.

Así conmemoramos o Día da Narración Oral, 20 de marzo, cuns días de retraso porque a Burra está cansa.

O sábado 22 ás 18:00 horas na libraía Biblos; estades tod@s convidad@s.

O Parlamento galego aprova por unanimidade uma ILP Paz Andrade retalhada pelo PP

Formação conservadora removeu os pontos previstos para o conhecimento da língua portuguesa ser um mérito no acesso à função pública. Também não apoia sua implementação em 4 anos.

ambém na ILP Paz Andrade, que promulga a disseminação da Galiza da língua e cultura portuguesas e que chegou ao Parlamento galego encostada pela assinatura de 17.000 pessoas, o PP teve de colocar suas tesouras. Fez isto para remover os pontos previstos para a implementação dos acordos nos próximos quatro anos –o tempo duma legislatura–, bem como para o português ter consideração de mérito no acesso ao emprego em serviços públicos.

Apesar disso, todas as formações políticas com representação na Câmara deram o seu visto bom a uma iniciativa que, tal e como dispõe o seu artigo 1, obriga os poderes públicos a “promoverem o conhecimento da língua portuguesa e das culturas lusófonas para aprofundar nos vínculos históricos” tecidos por volta da lusofonia.

BNG: “O afastamento entre galego e português não é neutro”

A primeira em tomar a palavra para defender a ILP foi a deputada do BNG Ana Pontón, quem lamentou as modificações introduzidas e recusou o discurso do PP porque, segundo defendeu, “nem é a melhor lei possível nem é a única lei possível”. Disse Pontón que o apresentado na Câmara era um texto “de mínimos” onde uma das questões reclamadas –a receção na Galiza das rádios e televisões de Portugal– é parte já “dos incumprimentos da legislação vigente” no nosso País.

Aliás, a deputada nacionalista tem questionado também a eliminação do ponto que condicionava a aplicação da ILP Paz Andrade a quatro anos desde a sua aprovação como lei. Segundo o PP, não era um prazo “realista”, pelo que foi mudado no artigo 2 por um nada concreto “progressivamente”. Finalmente, o artigo 3 da ILP já não estabelece que o português seja um mérito no acesso a empregos públicos, senão unicamente que a Xunta “deverá fomentar” o conhecimento desta língua entre @s empregad@s públic@s.

Por sua vez, Ana Pontón aproveitou a intervenção “para alicerzar a tese de que galego e português são parte do mesmo tronco linguístico” assim como para romper com o “isolacionismo” que “limita as possibilidades reais da nossa língua”. “O afastamento entre galego e português não é neutro”, disse a nacionalista, “senão que guarda relacionamento direto com os preconceitos para o idioma próprio”. uniu os conceitos de ‘galegofobia’ e ‘lusofobia’ para sublinhar que “fica um trabalho oceánico por fazer”.

Os dados dão-lhe a razão. As últimas cifras oficiais que a Xunta facilitou, em 2012, certificam “a precariedade” em que se encontra o português no ensino: só 22 centros ofertam a aprendizagem deste idioma como estrangeiro, só 3 secções bilíngues incluem como língua veicular o português e a versão internacional do galego só se ministravam 8 escolas de idiomas.

AGE pede que o PP “não ponha pedras no caminho”

O seguinte deputado em tomar a palavra foi Juan Fajardo, do grupo parlamentar de AGE. Reclamou “uma ponte que permita o reconhecimento da cultura lusófona e que derrube os prejuízos a respeito da cultura galega”, para além de aprofundar na divulgação de ambas as duas. Assim, lembrou que AGE apresentou uma emenda ao artigo 3 em que pediam que também o galego fosse difundido “em espaços da lusofonia”.

Fajardo queixou-se de que a comissão promotora só se reunisse duas vezes: “uma para dizer que emitiriam um ditame e outra para apresentar um texto já fechado e acordado só com a força maioritária”, em referência ao PP, a quem pediu “que não ponha pedras no caminho” para a aplicação efetiva da iniciativa aprovada por unanimidade e que a Galiza “não fique por detrás da Estremadura nem da Andaluzia”.

PSdG-PSOE: “Que aquilo que não separou a geografia não o separe a teimosia”

Por derradeiro tomou a palavra o PSdG-PSOE através do deputado Francisco Caamaño, quem encetou a intervenção lendo um bocado de um editorial publicado na revista Nós em 1920 em que já se reconhecia que a relação entre a Galiza e Portugal “devem ir mais ali de um simples intercâmbio”.

“Fazem falta fórmulas colaborativas para defendermos esta cultura comum”, proclamou Caamaño, acrescentando que tais fórmulas “deveram vigorar desde há muitos anos” porque “faltam obrigas e guias claras para os poderes públicos”. Assim mesmo, lembrou o aval de 17.000 assinaturas para concluir com uma exigência: “que aquilo que não separou a geografia não o separe a teimosia”.

Fonte Sermos Galiza

De como costume de Chisco e Maribel de mirar paxaros derivou en “andar ás crebas” e deu lugar a este fermoso libro

As Crebas. Outro xeito de andar ao mar (2014), Francisco Fernández Naval e Maribel Longueira. Baía Edicións

Despois deste longo inverno de temporais continuos, a chegada do bo tempo permitiranos descubrir polas praias galegas multitude de obxectos que deitou o mar, auténticas xoias de fascinación e  misterio. Falamos das Crebas (ou quebras) definidas, para quen descoñeza o termo,  así no diccionario da RAG: Restos de naufraxios ou cargas dos barcos que o mar arrastra ata a costa.

Neste libro, Francisco Fernández Naval e Maribel Longueira recollen e harmonizan o material de análise e estudo que foron xestando en diversos foros e proxectos desde que descubriran a palabra crebas das súas veciñas de Sestelos, dando así nome a unha actividade que levaban anos practicando no concello de Carnota. E co descubrimento do termo fixéornse donos das crebas -como dicía  Cunqueiro- e desdencadeuse a marea de estudo, análise e creatividade que deu lugar a algunha proposta científica sorprendente reflectida neste libro, que recomendamos.

Todo neste proxecto é fascinación e descubrimento, pois como alega o autor no prólogo …”que fai alguén dunha provincai interior coma min, tentando explicar e interpretar algo tan oceánico? Cando empecei a descrubir o mundo, cando aprendín o fermosa que pode ser a actividade de observar paxaros, alguén me dixo o importante que era aprender a ver e sempre, sempre, sentir. Quizais todo se reduce a iso, no bosque interior ou no aberto areal.” Fermoso!

Os libreiros propoñen que os contidos dixitais se descarguen nas librarías e se cobren

Os editores cren que debería apostarse por un modelo híbrido no que se combinen os soportes dixitais cos libros de texto. “Non hai ningún sistema educativo no mundo que só use soportes dixitais“, defende o presidente da Asociación de Editores de Galicia, Manuel *Bragado.

Segundo explica, as editoriais traballan xa desde hai tempo en deseñar contidos dixitais, pero advirte que isto “require tempo” e a estas alturas aínda descoñecen os contidos que teñen que desenvolver para o próximo curso tras os cambios introducidos pola nova Lei *Wert.O plan da Xunta para implantar o ensino dixital nas aulas causou sorpresa entre editores e libreiros que mostraron a súa estrañeza polo feito de que a Xunta anuncie que porá en marcha unha plataforma dixital para que os alumnos descárguense gratuitamente o material escolar cando eles aínda descoñecen cales serán os contidos curriculares que a lei Wert obrigará a impartir o próximo curso.

“Nun momento no que temos unha reforma educativa e temos que adaptar os libros de texto e os contidos para 3º e 5º de Primaria que é onde se empeza a aplicar a lei *Wert, cáusame sorpresa que a Xunta anuncie isto”, asegura a presidenta da Federación de Libreiros de Galicia, Pilar Rodríguez.

En canto á implantación de libros electrónicos e a pesar de que isto supón que se venderán menos libros de texto, Rodríguez é consciente de que “os contidos dixitais están aí e non podes ir contra eles”. En todo caso cre que se pode chegar a un acordo para evitar danar ao sector e propón que os contidos dixitais que se usen nos centros descárguense nas librarías e cóbrese por iso, como xa se fai cos libros electrónicos.

Fonte: Faro de Vigo

Historia das mulleres galegas. Das marchas nómades á Marcha Mundial das Mulleres

Pepe Carreiro ofrécenos outra obra da, até o momento, triloxía da nosa Historia en pequenas doses concentradas; esta vez refereida a mulleres.

Co seu peculiar sarcasmo e rigor histórico, Pepe Carreiro fai un percorrido pola  historia das mulleres galegas, dun xeito resumido, como antes o fixera con Historia da Lingua e Historia de Galicia.

En breve nas mellores librarías.

 

 

 

 

 

 

 

 

 

 

 

 

Fonte: Baía Edicións

A Burra Ramona, en Santiago, da man de Paula Carballeira e Xosé Tomás

Deixamos algunha imaxes da presentación na tenda Nikis en Santiago, con Paula Carblleira e Xosé Tomás estreado a camiseta de Ramona!

Mentres que Paula contaba a historia da burra e nos facía traballar a tod@s as presentes, Xosé Tomás afanábase en seguirlle o ritmo e debuxar, tarefa non doada!!!

Nenas e nenos con máscaras seguían tamén a historia, mesmo axudaban a recreala. A tod@s nos gustou moito Ramona!

Agora a prepararnos para a seguinte presentación, o sábado 22 en Betanzos e sei que irá Ramona.

 

 

 

O CCG analiza a evolución do gasto cultural dos fogares galegos

Galicia ocupa o sexto lugar pola cola no Estado español no gasto medio por fogar en bens e servizos culturais, nun contexto de acusada disminución tanto en Galicia coma no Estado. Deste xeito, entre 2006 e 2012 as familias reduciron o seu gasto cultural nun 15.9% ata os 646 € ao ano, fronte a comunidades como Madrid, cun gastou moito máis elevado: 966.7 €. Así o revela o informe “Evolución do gasto cultural dos fogares galegos”, feito público polo Obervatorio da Cultura Galega.

http://www.consellodacultura.org/mediateca/documento.php?id=2146

O Observatorio da Cultura Galega analizou a evolución do consumo cultural nos últimos anos no Estado español e en Galicia. “Cómpre salientar que o consumo global en bens e servizos culturais diminuíu de xeito significativo tanto no conxunto de España coma en Galicia”, sinala o informe, quen indica que o retroceso foi dun 19.9% nese período en España fronte a un 15.9% de Galicia. En 2012 os fogares galegos gastaron case 60 euros menos que no ano anterior, se ben a nivel español a reducción foi de 90 euros.

O gasto en bens e servizos culturais corresponde a libros non de texto, prensa, espectáculos, outros servizos culturais, equipamentos audiovisuais e informáticos e instrumentos musicais.

De feito, o 44% dos gastos en bens e servizos culturais teñen que ver con equipos e accesorios audiovisuais de tratamento de información e Internet, tanto en Galicia como a nivel español. No apartado de “Libros e Publicacións periódicas” en Galicia os fogares gastan de media seis euros máis que no conxunto de España, pero no ámbito dos servizos culturais, entre os que se conta a asistencia a espectáculos, cada galego gasta 7,5 € menos de media ca no conxunto de España.

Sen embargo, é precisamente no grupo de gasto “Libros e Publicacións periódicas” onde se produce a maior redución de gasto en 2012 con respecto ao 2011. En Galicia cae un 26.9%, que se traduce en 15.3 millóns de euros menos de gasto. Esta redución é máis acusada no libro “non de texto” que nas publicacións periódicas.

O informe sinala a contención dos prezos dos bens e servizos culturais durante estes últimos anos e a confianza crecente dos consumidores, que planifican realizar algún extra como ir ao cine ou teatro.

O dolmen de Leira da Rapada, un monumento megalítico único no sur lucense

Na zona non hai máis estruturas deste tipo que se conserven íntegras

O dolmen da leira da Rapada, localizado polo arqueólogo Iván Álvarez Merayo no municipio do Saviñao, ofrece un carácter practicamente único no sur lucense. En toda a zona non se documentou ata agora ningunha outra estrutura megalítica deste tipo -totalmente exposta e non enterrada- e que conserve a pedra cobertora. O único dolmen desta clase que se coñece é o de Abuíme , tamén no Saviñao, pero neste caso a cuberta da estrutura desapareceu nun momento difícil de determinar.

Para ver outras construcións megalíticas desta tipoloxía e cun estado de conservación parecido é preciso desprazarse bastantes quilómetros cara ao norte, ata a comarca da Terra Chá. Alí atópanse algúns dólmenes -como o de Mouruxosa, en Friol, e o de Mazoi, na Pastoriza– que conservan a súa estrutura orixinal nunha medida similar ao de Leira dá Rapada.

No sur lucense existen outros monumentos megalíticos, pero dunha tipoloxía notablemente diferente, xa que consisten no que se coñece habitualmente como mámoas, é dicir, arcas de pedra total ou parcialmente enterradas. É o caso da necrópole do monte de Santa Mariña, no Incio, un dos conxuntos megalíticos máis importantes de Galicia, que goza desde hai tempo da categoría de ben de interese cultural. Nesta zona localizáronse preto de corenta túmulos. Outras estruturas deste tipo consérvanse en mellor ou peor estado no mesmo municipio do Saviñao -no monte da Morá- e en Quiroga.

A pesar das diferenzas tipológicas, Álvarez Merayo sinala que os dólmenes como o o Leira dá Rapada e as mámoas como as de Santa Mariña pertencen ao mesmo contexto cultural da prehistoria recente, aínda que a súa antigüidade concreta sexa difícil de determinar sen realizar unha escavación sistemática. O mesmo pode dicirse, ao seu xuízo, dos menhires achados en diferentes localidades da zona, como os de Segán -igualmente no Saviñao- e da parroquia soberina de Neiras. Este último foi descuberto tamén por Álvarez Merayo e está depositado desde hai máis dunha década no Museo Provincial de Lugo.

 

Intervención arqueolóxica

Pola súa banda, Gonzalo Meijide, arqueólogo da Dirección Xeral do Patrimonio Cultural, opina que para apreciar correctamente o valor do dolmen de Leira dá Rapada sería preciso realizar unha escavación ou unha cata. «O problema é que nestes tempos non é nada fácil levar a cabo unha intervención arqueolóxica dese tipo», sinala a este respecto.

Fonte: La Voz de Galicia (Francisco Albo)

Despois do Día de Rosalía, contamos con Paula Carballeira e a Burra Ramona

Despois de recordar a Rosalía e o que significa nas múltiples conmemoracións que do seu Día se fixeron, toca seguir a divulgar e gozar coa nosa cultura.

E que mellor maneira que cunha sesión de narración ao vivo de Paula Carballeira, acompañada con debuxos, tamén ao vivo, de Xosé Tomás presentano A Burra Ramona? Só falta a burra ao vivo.

Este xoves ás 18:00 h na tenda Nikis de Santiago de Compostela (Preguntoiro,26) onde ademais de pasar un bo momento con Paula e Tomás, poderás facerta co libro e a camiseta de A Burra Ramona.

Agardámoste, de seguro que non te decepcionará este burra que gusta de mirar o ceo.

 

Convocatoria XXII premio Álvaro Cunqueiro, VIII Manuel María e XI Barriga Verde, 2014

A Axencia Galega das Industrias Culturais (Agadic), co fin de incentivar a creación literaria no eido teatral, convoca os premios ÁLVARO CUNQUEIRO para textos teatrais, MANUEL MARÍA de literatura dramática infantil e BARRIGA VERDE de textos para teatro de monicreques, que este ano chegan ás súas XXII, VIII e XI edicións respectivamente.

Indicamos, no pdf que se acompaña, información sobre a convocatoria correspondente á edición 2014 (DOG Nº 249, do 31 de decembro de 2013).

CONVOCATORIA