Entradas

O 68% dos españois que ‘baixan’ libros de Internet non paga por iso

Só o 32% dos españois que descargan libros de Internet paga por iso. Ou, visto desde o outro lado, o 68% báixase os textos gratis da Rede. Así o sostén o Barómetro de hábitos de lectura e compra de libros en España 2012, divulgado hoxe pola Federación de Gremios de Editores de España. “Crebouse a dinámica nunha parte da cadea do consumo cultural”, denunciou na presentación o presidente da entidade, Javier Cortés.

“O grave é que queda clara a ineficiencia do modelo oficial contra a piratería”, engadiu Cortés. Segundo calcula a industria editorial, o diñeiro que se deixa de ingresar debido a descargas non autorizadas ascende a 70 millóns de euros anuais, un 13% dos beneficios totais do sector, de 2.900 millóns: “É en grao sumo problemático, especialmente para os creadores e os pequenos autores que non poderían vivir sen unha remuneración xusta pola súa obra”.

Entre tramas policiais e fantasías sexuais anda o xogo dos lectores españois que si pagan os seus textos. E non cun libro senón con tres do mesmo autor e tema: Millenium e 50 Sombras de Grey. As dúas triloxías de Stieg Larson (editorial Destino) e E. L. James (Grijalbo) son as máis lidas e compradas polos españois, respectivamente, segundo o barómetro. Un estudo que sinala que a lectura de libros aumentou ao 63% dos españois (1,6% máis que en 2011), aínda que a media europea é do 70%. Os motivos que argumentan para non ler son principalmente a falta de tempo (48,8%) e porque non lles gusta ou non lle interesa (29,9%).

Esas son as preferencias literarias dun público cuxos índices de lectura xeral aumenta: o 92% (1,6% máis que en 2011) di ler, polo menos unha vez ao trimestre, nalgún medio, chámese libros, xornais, revistas, cómics ou en webs, blogs, foros en Internet e demais medios do ciberespacio. E o 58% xa o fai en soporte dixital, cun aumento do 5,5% respecto de 2011.

O que máis din ler os españois son periódicos (79,4%); séguenlle os libros (63%), logo revistas (47,6%), despois webs, blogs e demais espazos de Internet (46,9%) e finalmente cómics (13,2%). A lectura aumenta en todos estes medios pero especialmente no que ten que ver co ciberespacio onde creceu un 4,5%, respecto de 2010, cando era do 42,4%. Nesta liña de tecnoloxías emerxentes hai que destacar que o número de lectores de ebooks chega xa ao 11,7% entre os maiores de 14 anos.

A enquisa, que se realizou por teléfono a 6.700 persoas maiores de 14 anos, indica que no apartado de libros o 59,1% di ler no seu tempo libre e o 47,2% faio cunha frecuencia semanal ou diaria. Todas as cifras nas súas diferentes categorías aumentan e o único estable, pero tamén en ascenso, é o perfil do lector español: “É unha muller con estudos universitarios, nova e urbana que prefire a novela, le en castelán e faio por entretemento”.

Fonte: El País

Baía Edicións e Google Play

A aplicación para Android da obra Árbores, da nova colección ‘As 50 especies máis comúns’, tamén publicada en papel, poderá descargarse na tenda  Google Play.

Libro dixital

Baía Edicións, pioneira entre as editoriais de ámbito galego no desenvolvemento do libro de texto virtual, dentro da integración plena das TIC na práctica educativa en Galicia, presenta o

Libro de SOCIAIS de 1º da ESO

Co inicio do curso, Baía Edicións pon á disposición da comunidade educativa o libro electrónico do alumnado. Podes descargalo no teu lapis de memoria, e activalo co código persoal que recibirás do teu profesor ou da túa profesora.

Instrucións para utilizar o libro:

  • Descarga no teu lapis de memoria unha copia do libro desde aquí.
  • Pídelle un código de activación ao teu profesor ou profesora.
  • Abre o libro facendo dobre click sobre el, e introduce o código de activación (só terás que facelo a primeira vez!).
  • Aproveita a experiencia do libro dixital interactivo, non só no centro senón tamén na casa!