Artigos

A cultura italiana na Feira do Libro de Madrid

A Feira do Libro de Madrid está facendo posible achegarse á cultura clásica e contemporánea de Italia mediante unha chea de de actividades culturais organizadas por entidades e institucións italianas e españolas e que ofrecen un percorrido polas obras e temas máis candentes e actuais dese país.

Inaugura o programa o escritor e ensaista Claudio Magris. Tamén participarán escritores representativos das últimas tendencias literarias, segundo a información facilitada pola organización feiral, como o grupo que promove  a nova novela  italiana de xénero épico, o colectivo Wu Ming, os mestres do  giallo ( policíaco italiano) e as poetisas que están a renovar a linguaxe poética en Italia.

O programa tamén  ofrece a oportunidade de volver a ler aos autores do Novecento italiano, como Luigi Pirandello, Italo Calvino, Leonardo Sciascia, ademais de celebrar o centenario do nacemento de Elsa Morante. No Pavillón Infantil e Xuvenil haberá un espazo para a producción editorial italiana onde se poderán coñecer autores- as e obras para os lectores máis novos.

A Embaixada de  Italia en España e o Instituto Italiano de Cultura de Madrid  participarán na organización do programa de encontros a nivel político e cultural.

Fonte: AGE

Dezanove editoras participan na Feira do Libro de Madrid

A Feira do Libro de Madrid, que se celebrará entre o 25 de maio e o 10 de xuño no Parque do Retiro, contará nesta súa 71 edición, cunha nutrida presenza galega. Un total de dezaseis firmas da edición compartirán o espazo reservado pola Asociación Galega de Editores neste evento. Trátase de Ir Indo Edicións, Editorial Espiral Maior, Baía Edicións, NigraTrea, Editorial El Patito, Editorial Galaxia, Edicións Xerais, Alvarellos Editora, Andavira Editora, Auga Editora, Edicións Embora, Hércules de Ediciones, MCSport, Sotelo Blanco Edicións, Editorial Toxosoutos e Editorial Linteo.

Canda a elas, as editoriais Kalandraka e Ediciones del Viento, así como a distribuidora Arnoia, terán cadanseu posto no evento, considerado un dos máis importantes a nivel estatal.

Fonte: Culturagalega