Entradas

Baía Edicións convoca o II PREMIO FINA CASALDERREY de literatura infantil pola igualdade

Co motivo da celebración do 8 de marzo #8MEuparo, para promover a educación en igualdade e como homenaxe a todas as persoas que fixeron a aposta de escribir literatura infantil non sexista, Baía Edicións convoca o II PREMIO FINA CASALDERREY de literatura infantil pola igualdade.

BASES DO CONCURSO

Primeira
Poderán concorrer ao premio autoras e autores de calquera nacionalidade que presenten os orixinais escritos en lingua galega conforme á normativa vixente.
As obras deberán atender ao concepto de literatura infantil non sexista e coeducativa en calquera dos seus aspectos, introducindo elementos críticos que cuestionen o modelo social sexista dominante.
Segunda
As obras a concurso deben ser orixinais, inéditas e non premiadas. O feito de participar implica o compromiso de non optar a outros premios coas mesmas obras mentres non se resolva este, compromiso que se estenderá máis aló da resolución de resultar gañadora.
Aproveitamos para lembrarmos as obras gañadoras do I Premio Fina Casalderrey de Literatura Infantil pola Igualdade, de especial interese por tratar dous temas necesarios:
A ocupación do espazo central no patio do colexio, na actualidade maioritario para os nenos, resultando unha radiografía sexista, da que diversos estudos están a poñer a atención. Ese é o tema que Antía Yañez aborda n’A reconquista.
Calcúlase que 800 millóns de mulleres no mundo están menstruando á vez, no que supón o maior derramamento de sangue pacífico no mundo. No entanto, a sociedade oculta este feito, mitifícao e mesmo o discrimina con certas actitudes. Desde logo, os contos infantís non o teñen moito en conta, pero Sabela Losada Cortizas si, dando como resultado Vermella.

I Certame de Literatura Infantil e Xuvenil “Muíño do Vento”

Desde Gálix informan da convocatoria dun novo premio de LIX : “I Certame de Literatura Infantil e Xuvenil “Muíño do Vento“, convocado pola Asociación Sociocultural Muíño do Vento.

Os textos da presente convocatoria irán destinados ao público infantil de idades comprendidas entre os 7 e os 12 anos e nela poderán participar todas as persoas maiores de idade que presenten os seus orixinais inéditos en lingua galega, conforme á normativa oficial establecida pola RAG. Os textos poderán ser de calquera xénero literario.

O prazo de presentación de orixinais remata o 14 de decembro de 2018.  Establécese un único premio dotado con mil cincocentos (1.500) euros. A concesión do premio leva incluída a publicación da obra.

Neste enlace pódense descargar as bases.

I PREMIO FINA CASALDERREY de literatura infantil pola igualdade

Co motivo da celebración do 8 de marzo #8MEuparo, para promover a educación en igualdade e como homenaxe a todas as persoas que fixeron a aposta de escribir literatura infantil non sexista, Baía Edicións convoca o I PREMIO FINA CASALDERREY de literatura infantil pola igualdade.

BASES DO CONCURSO

Primeira
Poderán concorrer ao premio autoras e autores de calquera nacionalidade que presenten os orixinais escritos en lingua galega conforme á normativa vixente.
As obras deberán atender ao concepto de literatura infantil non sexista e coeducativa en calquera dos seus aspectos, introducindo elementos críticos que cuestionen o modelo social sexista dominante.
Segunda
As obras a concurso deben ser orixinais, inéditas e non premiadas. O feito de participar implica o compromiso de non optar a outros premios coas mesmas obras mentres non se resolva este, compromiso que se estenderá máis aló da resolución de resultar gañadora.

Antonio García Teijeiro, Premio Nacional de Literatura Infantil e Xuvenil 2017

Antonio García Teijeiro obtivo o Premio Nacional de Literatura Infantil e Xuvenil na súa edición 2017 pola súa obra «Poemar ou mar».

O Xurado decidiu premiar ao autor e a súa obra «por ser un libro cargado de emoción, cunha brillante elección léxica, onde o mar é o gran protagonista, poboado de criaturas que transitan por orixinais e suxerentes composicións poéticas».

O galardón concédeo o Ministerio de Educación, Cultura e Deporte para distinguir unha obra de autor español, escrita en calquera das linguas oficiais do Estado e editada en España durante o pasado ano 2016. A dotación económica do premio é de 20.000 euros.

Fonte: ABC

A AGE recoñece que as editoriais están pasando por temos difíciles

A Asociación Galega de Editores recoñece que o ano que acaba de terminar foi un periodo difícil, aínda que con matices. “Hai que diferenciar entre as editoriais que publican só libros en galego e as que non, debido ás axudas da Xunta, porque os orzamentos son cada vez máis baixos”, apunta a súa presidenta, Laura R. Herrera.

Desde a asociación consideran, con todo, que o 2015 vai ser mellor que o anterior. “Pese a todo, en 2014 mantivémonos, non habemos ir a peor”, subliña Herrera.

Os editores galegos destacan que o xénero que mellor resiste a crise é a literatura infantil e xuvenil. “Baixou menos que, por exemplo, a novela, e o seu éxito débese, en parte, a que as editoriais decidimos apostar polos máis pequenos para inculcarlles a lectura e que así te coñezan e consuman cando sexan adultos”, comenta a presidenta da entidade.

Doutra banda, as editoriais galegas aínda ven con algo de escepticismo a implantación do libro electrónico. “De momento as vendas son anecdóticas, polo que nos resultaría moi difícil subsistir só diso”, sinala a presidenta da Asociación Galega de Editores. Aínda así, Laura R. Herrera asegura: “Estamos impulsando a Plataforma do libro dixital en galego, porque queremos que haxa un escaparate da literatura da nosa comunidade reunido nunha plataforma web”.

Fonte: La Opinión

Baía Edicións tamén en Leoteca

Leoteca é unha comunidade infantil onde a lectura convértese nunha actividade moito máis atractiva. Ao unirse a Leoteca, ao mesmo tempo que os máis pequenos len, tamén comparten as súas experiencias cos seus amigos, compañeiros e profesores.

Leoteca é un espazo dedicado á literatura infantil especialmente pensado para a participación dos pícaros pero no que os adultos tamén desempeñan un papel activo.

Ningún neno ou nena pode entrar a formar parte de Leoteca sen o consentimento previo dun adulto: os seus pais ou titor escolar.

Leoteca

David Pintor acudirá por cuarta vez á Feira de Boloña

A Feira Internacional do Libro Infantil e Xuvenil de Boloña, a máis prestixiosa da Europa no xénero, chega o próximo 25 de marzo a súa 50 edición cun programa no que se inclúe unha mostra de artistas plásticos de todo o mundo para a que foi seleccionado o galego David Pintor.

O ilustrador participará canda 87 artistas entre os que só a ibicenca Violeta Lopiz pertence ao Estado Español. David Pintor comezou no mundo do humor gráfico a comezos dos anos noventa, formando canda o guionista Carlos López o dúo Pinto&Chinto. Ilustrador, humorista gráfico, pintor e caricaturista, no mundo da literatura infantil e xuvenil ten asinado un feixe de libros, dous dos máis recentes Almanaque musical e Compostela, os dous no selo Kalandraka. O primeiro ofrece un poema ilustrado por cada mes do ano e o segundo precorre con imaxes os lugares emblemáticos da capital galega á maneira dun caderno de viaxes.

Fonte: Sermos Galiza