Entradas

Posta en marcha da “tarxeta-bono Cultura Galega”: unha boa noticia para a cultura galega.

O DOG número 148  de hoxe, 6 de agosto publica a “Resolución  do 28 de xullo de 2015 para o desenvolvemento e a promoción da tarxeta-bono Cultura Galega”, acción que as editoras galegas levamos anos reclamando e que á fin foi atendida.

O obxecto desta tarxeta é, en resumo, incentivar o consumo cultural en galego, de xeito que cada 33 € de valor de compra da tarxeta darálle á persoa portadora un valor de 50 € de adquisicón de produtos culturais galegos.

Esta idea xa funciona no País Vasco con resultados extraordinarios.

Sen dúbida, unha gran noticia  para a nosa cultura. Parabéns!!!

Deixo o enlace ao DOG para quen queira consultar as condicións do programa.
RESOLUCIÓN do 28 de xullo de 2015 para o desenvolvemento e a promoción da tarxeta-bono Cultura Galega.
http://www.xunta.es/dog/Publicados/2015/20150806/AnuncioG1097-240715-0001_gl.pdf

O Concello non celebrará este ano a feira cultural ‘Achegarte’

O encontro cultural Achegarte, nacido na cidade da Coruña en 2009 como alternativa ao entón desaparecido Culturgal, non se celebrará este ano. “Non se vai a facer o Achegarte como tal,- explicou onte a concelleira de Cultura, Ana Fernández-, pero seguiremos organizando proxectos concretos e temáticos nos que haberá disciplinas similares”.

A concelleira nacionalista María Xosé Bravo remitiu o pasado luns unha pregunta ao Goberno municipal na que inquiría se tiñan pensado organizar unha nova edición de Achegarte, unha feira cultural que nas súas dúas edicións reuniu en Palexco a máis de 40.000 persoas co seu programa de música, animación, literatura e talleres.

Fonte: La Opinión

[nggallery id=2]