Entradas

BAÍA ACTUALIZA OS MATERIAIS DA AULA VIRTUAL PARA O CURSO 2015-2016

No ano 2012, co obxectivo de complementarmos os materiais didácticos e textos dirixidos aos niveis educativos de secundaria e bacharelato, Baía Edicións crea a AULA VIRTUAL, proxecto que nace coa idea de facilitarmos tanto ao profesorado como ao alumnado todos os recursos didácticos e materias educativos dos que se dispón de cada un dos libros de texto publicados na actualidade.

Desde esta plataforma pódense descargar materiais para o uso do profesorado, Proxecto curricular establecido e a Programación proposta para cada unha das disciplinas como materiais complementarios de axuda ao profesorado no seu labor didáctico e pedagóxico diario nas aulas tan só co seu REXISTRO.

Debido aos cambios que se están a producir neste momento, convivimos con dúas leis: LOE e LOMCE. Dependendo do curso o libro de texto terá que rexirse pola LOE ou pola LOMCE, e aí os diferentes apartados que se presentan na nosa Aula Virtual. Actualmente contamos con:

Ciencias SociaisLOE

Matemáticas

Economía

Valores éticos

Filosofía Bach.LOMCE

Xeografía e Historia LOMCE

Física e Química

Lingua e literatura

Grego

En cada un dos títulos se especifica o material dispoñible e como descargalo así como información do que se atopará despois de realizar a descarga. Actualmente e, debido a que o currículo definitivo aínda non está dispoñible, contamos con varias mostras dos diferentes proxectos que ofertamos para o próximo curso escolar 2015-2016, que poderán descargarse gratuitamente para a súa visualización.

Baía segue traballando na creación de novos materiais interactivos! En breve… na  AULA VIRTUAL!

PRESENTACIÓN dos libros MODELOS DE LINGUA E COMPROMISO e A POESÍA OCULTA DE FILGUEIRA VALVERDE

Baía Edicións presenta os libros, Modelos de lingua e compromiso, de Xosé Manuel Sánchez Rei (editor) e A poesía oculta de Filgueira Valverde, de Xosé Ramón Freixeiro Mato, na Carpa de Presentación da Feira do Libro de Santiago, o martes día 5 de maio ás 19:00 horas, en que intervirán, ademais de Xosé Ramón Freixeiro Mato, membros do Grupo de Investigación da UDC.

MODELOS DE LINGUA E COMPROMISO é unha reflexión sobre a necesaria vinculación entre calidade do noso idioma e a súa recuperación.

A publicación, coordinada por Xosé Manuel Sánchez Rei, dá acubillo a traballos realizados polas profesoras e polos profesores da Facultade de Filoloxía da UDC  Goretti Sanmartín Rei, Laura Tato Fontaíña, Manuel Ferreiro, Xosé Ramón Freixeiro Mato e o propio Xosé Manuel Sánchez Rei, integrantes, asemade, do Grupo de Investigación Lingüística e Literaria Galega da UDC (http://www.illa.udc.es).

O estudo participa no debate vixente sobre o modelo lingüístico que se debe promover ou sobre se realmente ten sentido falarmos dunha «lingua de calidade», profundando na necesaria confluencia entre o compromiso real co idioma desde as institucións públicas coa proxección dunha referencia exemplar digna de calidade para o galego.

Por iso, o propio título deste volume colectivo, Modelos de lingua e compromiso, sintetiza con acerto unha das ideas xerais contidas e matizadas en cada un dos traballos desde prismas diferentes, cal é o estreito vínculo entre a implicación coa normalización do galego en todos os ámbitos de uso e a predilección por un modelo lingüístico capaz de o estilizar e de o dignificar; dificilmente se pode pensar nunha restauración social da lingua cando o que se pretende restaurar está fortemente erosionado polo español, cando se confunde autenticidade idiomática soamente con variedades coloquiais ou cando se parece tolerar con certa normalidade, mesmo en ámbitos académicos, inquietantes doses de hibridación con aquela lingua.

Para desenvolver estes puntos de partida, preséntase unha organización das cinco contribucións que avanza do máis xenérico a cuestións máis concretas:

  • “Lingua oral, calidade da lingua e futuro do galego”, de Xosé Ramón Freixeiro Mato.
  • “A preocupación por unha lingua oral de calidade: aproximación histórica ao caso do galego nos anos finais do século XIX e nos inicios do XX”, de Xosé Manuel Sánchez Rei.
  • “Arredor da calidade da lingua no teatro da primeira metade do século XX”, de  Laura Tato Fontaíña.
  • “Eduardo Pondal á procura do verbo sublimado. Arredor das re-escrituras pondalianas”, de Manuel Ferreiro.
  • “A estética da seguranza. Lingua e transcendencia en Rosalía”, de Goretti Sanmartín Rei.

Venta do libro electrónico AQUÍ.

A POESÍA OCULTA DE FILGUEIRA VALVERDE

As páxinas do libro deben ser vistas como un contributo ao mellor coñecemento da nosa historia cultural, literaria e mesmo lingüística, ben como unha tentativa de esclarecer un problema autorial a respecto duns textos concretos, e de ningún modo como un ataque a ninguén nin como un posicionamento persoal a respecto de que autora ou autor é máis merecente do recoñecemento social. Loxicamente, non podo obviar que estamos no ano en que Filgueira Valverde é a figura a quen a Real Academia Galega dedica o Día das Letras Galegas e que arredor deste feito se ten xerado algunha polémica na sociedade. Por iso mesmo, a responsabilidade das persoas dedicadas á investigación é tentarmos esclarecer a verdade relativa á vida e á obra das autoras e autores a quen se consagra ese día, para que a sociedade poida ter elementos suficientes para as mellor coñecer e valorizar.

Venda do libro electrónico AQUÍ.

Baía Edicións e o Grupo Illa da UDC presentan MODELOS DE LINGUA E COMPROMISO

Baía Edicións e o Grupo Illa da UDC presentan o libro Modelos de lingua e compromiso, de Xosé Manuel Sánchez Rei (editor), na Libraría Pedreira (Rúa do Home Santo, 55, Santiago de Compostela), o martes día 14 de abril ás 20:00 horas, en que intervirán, ademais do editor, Goretti Sanmartín (autora), Xosé Ramón Freixeiro (autor), María Xesús Costoia (Libraría Pedreira) e Belén López Vázquez (Directora Editorial de Baía Edicións).

Modelos de lingua e compromiso é unha reflexión sobre a necesaria vinculación entre calidade do noso idioma e a súa recuperación.

A publicación, coordinada por Xosé Manuel Sánchez Rei, dá acubillo a traballos realizados polas profesoras e polos profesores da Facultade de Filoloxía da UDC  Goretti Sanmartín Rei, Laura Tato Fontaíña, Manuel Ferreiro, Xosé Ramón Freixeiro Mato e o propio Xosé Manuel Sánchez Rei, integrantes, asemade, do Grupo de Investigación Lingüística e Literaria Galega da UDC (http:www.illa.udc.es).

O estudo participa no debate vixente sobre o modelo lingüístico que se debe promover ou sobre se realmente ten sentido falarmos dunha “lingua de calidade”, profundando na necesaria confluencia entre o compromiso real co idioma desde as institucións públicas coa proxección dunha referencia exemplar digna de calidade para o galego.

Por iso, o propio título deste volume colectivo, Modelos de lingua e compromiso, sintetiza con acerto unha das ideas xerais contidas e matizadas en cada un dos traballos desde prismas diferentes, cal é o estreito vínculo entre a implicación coa normalización do galego en todos os ámbitos de uso e a predilección por un modelo lingüístico capaz de o estilizar e de o dignificar; dificilmente se pode pensar nunha restauración social da lingua cando o que se pretende restaurar está fortemente erosionado polo español, cando se confunde autenticidade idiomática soamente con variedades coloquiais ou cando se parece tolerar con certa normalidade, mesmo en ámbitos académicos, inquietantes doses de hibridación con aquela lingua.

Para desenvolver estes puntos de partida, preséntase unha organización das cinco contribucións que avanza do máis xenérico a cuestións máis concretas:

  • “Lingua oral, calidade da lingua e futuro do galego”, de Xosé Ramón Freixeiro Mato.
  • “A preocupación por unha lingua oral de calidade: aproximación histórica ao caso do galego nos anos finais do século XIX e nos inicios do XX”, de Xosé Manuel Sánchez Rei.
  • “Arredor da calidade da lingua no teatro da primeira metade do século XX”, de  Laura Tato Fontaíña.
  • “Eduardo Pondal á procura do verbo sublimado. Arredor das re-escrituras pondalianas”, de Manuel Ferreiro.
  • “A estética da seguranza. Lingua e transcendencia en Rosalía”, de Goretti Sanmartín Rei.
Venta do libro electrónico AQUÍ.
Diario Cultural informa da presentación do libro na A.C. Alexandre Bóveda o 28 de xaneiro de 2015 AQUÍ.
Galicia Hoxe entrevista a Xosé Manuel Sánchez Rei AQUÍ.
Galicia Confidencial informa da presentación do libro na Libraría Pedreira o 14 de abril de 2015 AQUÍ.

A AGADIC publica no DOG a nova convocatoria de subvencións á produción escénica

A Axencia Galega das Industrias Culturais da Consellería de Cultura e Educación publica o 04/03/2015 no DOG a nova convocatoria anual de subvencións á produción escénica, na que se destina un total 600.000 euros ás compañías profesionais galegas para a realización das súas próximas montaxes de teatro, danza, maxia ou novo circo.

No 2014 resultaron beneficiarias un total de 26 fromacións escénicas para desenvolver espectáculos en difrentes formatos que se están representando nesta actual temporada 2014-2015.

O obxectivo destas axudas á produción escénica é fomentar a presenza nos escenarios de novos espectáculos, en calquera das modalidades e disciplinas escénicas, estreados por compañías profesionais galegas entre o 1 de abril de 2015 e o 31 de marzo de 2016. As propostas poderán presentase a partir de hoxe e ata o sábado 4 de abril por calquera dos medios que se recollen nas bases, onde se especifica como vía preferible a sede electrónica da Xunta de Galicia (https://sede.xunta.es).

Foto: Xose Castro.

Os Premios da Edición entregaranse en Pontevedra o 13 de marzo

A Asociación Galega de Editores entregará os Premios da Edición o próximo 13 de marzo no transcurso dun acto que terá lugar no Pazo da Cultura de Pontevedra. O xurado dos premios, que decide entre os libros finalistas que resultaron da votación dos editores integrados na entidade, está composto polo libreiro, Cano Paz, de Librería Paz de Pontevedra; o expresidente da AGE, Alfonso G. Sanmartín; a bibliotecaria Pilar Fernández, directora da Biblioteca de Pontevedra; o ilustrador e debuxante Kiko da Silva; e o xornalista Ramón Rozas.  Colaboran coa organización do acto o Concello de Pontevedra, Gadisa e a Xunta de Galicia.

Visita ao Salón do Libro Infantil e Xuvenil 

Os actos do día 13 comezarán ás 19 horas coa visita ao Salón do Libro Infantil e Xuvenil de Pontevedra. Ás 20 horas está previsto o comezo da entrega dos recoñecementos ao traballo editorial do ano 2014 e a homenaxe á editorial Galinova, que celebra o seu 25 aniversario. Está prevista a asistencia de diversas autoridades galegas e da cidade, así como de representantes da vida cultural galega.

Trinta e seis títulos 

Trinta e seis títulos editados no ano 2014 compiten en 7 categorías: libro de ficción, non ficción, poesía e teatro, ilustración, infantil e xuvenil, educativo e tradución. Cinco proxectos optan ao Premio Rosalía de Castro á mellor iniciativa editorial do ano. Tres autores resultaron finalistas para o Premio Xosé Mª Álvarez Blazquez ao mellor autor-a do ano.

MARÍA BARBEITO. Unha vida ao servizo da escola e dos escolares (1880-1970), de  Ana Romero finalista no PREMIO ÁNXEL CASAL AO LIBRO DE NON FICCIÓN DO ANO 2014.

Miña querida Sherezade, de Andrea Maceiras e ilustracións de Antonio Seijas finalista do PREMIO NEIRA VILAS AO MELLOR LIBRO INFANTIL E XUVENIL DO ANO 2014.

A Colección Emocións (9 títulos), de Mireia Canals e ilustracións de Sandra Aguilar e Historia das mulleres galegas. Das marchas nómades á Marcha Mundial das Mulleres, de Pepe Carreiro finalistas do PREMIO XOSEFA IGLESIAS VILLAVERDE AO MELLOR LIBRO EDUCATIVO DO ANO 2014.

Fonte: AGE

Baía Edicións presenta con Federico Mayor Zaragoza o Proxecto de Valores Éticos

O mércores 4 de febreiro, ás 09:30 h., no Hotel Finisterre da Coruña, tivo lugar rolda de prensa presentada por Manuel Rodríguez e na que Federico Mayor Zaragoza apoiará o Proxecto de Valores Éticos, libros de texto para a ESO da nova materia do mesmo nome que se está a implantar coa LOMCE, entendida como materia a cursar para quen non opte pola de Relixión; non é, polo tanto, unha materia de carácter universal, malia a súa importancia na formación de persoas responsables como cidadás practicantes da cultura democrática e da paz.

Os textos están elaborados por profesoras e profesores que forman parte do Seminario Galego de Educación Para a Paz (SGEP), coordinados polo seu presidente Manuel Dios Diz e polo profesor e membro tamén do Seminario, Moisés Lozano Paz. O Seminario Galego de Educación Para a Paz (SGEP) é unha  entidade que leva traballando pola Cultura da Paz desde hai 30 anos, con recursos e actividades pensados para aprender a resolver conflitos pacificamente, por medio da palabra, co diálogo, «da man tendida fronte á man alzada» como diría o profesor Federico Mayor Zaragoza, ex director xeral da UNESCO e, na actualidade, presidente da Fundación Cultura de Paz, á que está adherida o Seminario.

Os textos están orientados de forma inequívoca cara á paz e á colaboración e para a edición de libros de textos en galego e pensados desde Galiza, que apostan por un mundo máis xusto e humano.

Participarán no acto xunto co profesor Federico Mayor Zaragoza, os coordinadores do proxecto, Manuel Dios Diz e Moisés Lozano Paz e Belén López Vázquez (Baía Edicións).

Baía Edicións e Rinoceronte Editora presentan con Federico Mayor Zaragoza o Proxecto de Valores Éticos

O mércores 4 de febreiro, ás 09:30 h., no Hotel Finisterre da Coruña, terá lugar a rolda de prensa presentada por Manuel Rodríguez e na que Federico Mayor Zaragoza apoiará o Proxecto de Valores Éticos, libros de texto para a ESO da nova materia do mesmo nome que se está a implantar coa LOMCE, entendida como materia a cursar para quen non opte pola de Relixión; non é, polo tanto, unha materia de carácter universal, malia a súa importancia na formación de persoas responsables como cidadás practicantes da cultura democrática e da paz.

Os textos están elaborados por profesoras e profesores que forman parte do Seminario Galego de Educación Para a Paz (SGEP), coordinados polo seu presidente Manuel Dios Diz e polo profesor e membro tamén do Seminario, Moisés Lozano Paz. O Seminario Galego de Educación Para a Paz (SGEP) é unha  entidade que leva traballando pola Cultura da Paz desde hai 30 anos, con recursos e actividades pensados para aprender a resolver conflitos pacificamente, por medio da palabra, co diálogo, “da man tendida fronte á man alzada” como diría o profesor Federico Mayor Zaragoza, ex director xeral da UNESCO e, na actualidade, presidente da Fundación Cultura de Paz, á que está adherida o Seminario.

Os textos, orientados de forma inequívoca cara á paz e á colaboración, supoñen tamén o nacemento dunha alianza colaborativa entre dúas editoras galegas, Baía Edicións e Rinoceronte Editora, para a edición de libros de textos en galego e pensados desde Galiza, que apostan por un mundo máis xusto e humano.

Participarán no acto xunto co profesor Federico Mayor Zaragoza, os coordinadores do proxecto, Manuel Dios Diz e Moisés Lozano Paz, e os editores Moisés Barcia (Rinoceronte Editora) e Belén López Vázquez (Baía Edicións).

A Real Academia Galega realiza unha declaración institucional a prol do uso do galego

A RAG anunciara a través dun comunicado que faría pública unha declaración institucional sobre a situación do idioma galego. Segundo sinalaron na convocatoria, a decisión da Academia de dar a coñecer a súa posición ao respecto do proceso de normalización está provocada polos “datos publicados recentemente polo Instituto Galego de Estatística”.

Debido a isto comentan no seu comunicado que os datos estatísticos recentemente publicados veñen apuntar un preocupante retroceso do seu uso nos últimos anos, especialmente entre as novas xeracións, agravando unha tendencia histórica que pode conducilo á decadencia. En cumprimento dos seus deberes estatutarios, a Real Academia Galega, ante a alarma que estes datos provocaron en amplos sectores da nosa sociedade, decidiu facer pública a declaración institucional que poden visualizar e descargar desde a web da Real Academia Galega.

Varios libros de Baía finalistas dos Premios da Edición 2014

MARÍA BARBEITO. Unha vida ao servizo da escola e dos escolares (1880-1970), de  Ana Romero finalista no PREMIO ÁNXEL CASAL AO LIBRO DE NON FICCIÓN DO ANO 2014.

Miña querida Sherezade, de Andrea Maceiras e ilustracións de Antonio Seijas finalista do PREMIO NEIRA VILAS AO MELLOR LIBRO INFANTIL E XUVENIL DO ANO 2014.

A Colección Emocións (9 títulos), de Mireia Canals e ilustracións de Sandra Aguilar e Historia das mulleres galegas. Das marchas nómades á Marcha Mundial das Mulleres, de Pepe Carreiro finalistas do PREMIO XOSEFA IGLESIAS VILLAVERDE AO MELLOR LIBRO EDUCATIVO DO ANO 2014.

Parabéns e sorte a todas as finalistas! Podedes consultar a listaxe completa no enlace da Asociación Galega de Editores.

Baía Edicións e Grupo Illa da UDC presenta “Modelos de lingua e compromiso” en A.C. Alexandre Bóveda

Baía Edicións e Grupo Illa da UDC realiza un acto de Presentación do libro “MODELOS DE LINGUA E COMPROMISO, de Xosé Manuel Sánchez Rei (ed.) o mércores día 28 de xaneiro ás 20:00 horas, na A. C. Alexandre Bóveda, en que intervirán Xosé Manuel Sánchez Rei e Xosé Ramón Freixeiro Mato. Estades tod@s convidad@s!

Título: Modelos de lingua e compromiso

Coordinador: Xosé Manuel Sánchez Rei (ed.)

Páxinas: 211

Xénero: Ensaio sociolingüístico

PVP (IVE incluído) en papel: 9,90 €. PVP (IVE incluído) en dixital: 6,50 €


Sinopse:

Modelos de lingua e compromiso é unha reflexión sobre a necesaria vinculación entre calidade do noso idioma e a súa recuperación.

A publicación, coordinada por Xosé Manuel Sánchez Rei, dá acubillo a traballos realizados polas profesoras e polos profesores da Facultade de Filoloxía da UDC  Goretti Sanmartín Rei, Laura Tato Fontaíña, Manuel Ferreiro, Xosé Ramón Freixeiro Mato e o propio Xosé Manuel Sánchez Rei, integrantes, asemade, do Grupo de Investigación Lingüística e Literaria Galega da UDC (http://illa.udc.gal).

O estudo participa no debate vixente sobre o modelo lingüístico que se debe promover ou sobre se realmente ten sentido falarmos dunha “lingua de calidade”, profundando na necesaria confluencia entre o compromiso real co idioma desde as institucións públicas coa proxección dunha referencia exemplar digna de calidade para o galego.

Por iso, o propio título deste volume colectivo, Modelos de lingua e compromiso, sintetiza con acerto unha das ideas xerais contidas e matizadas en cada un dos traballos desde prismas diferentes, cal é o estreito vínculo entre a implicación coa normalización do galego en todos os ámbitos de uso e a predilección por un modelo lingüístico capaz de o estilizar e de o dignificar; dificilmente se pode pensar nunha restauración social da lingua cando o que se pretende restaurar está fortemente erosionado polo español, cando se confunde autenticidade idiomática soamente con variedades coloquiais ou cando se parece tolerar con certa normalidade, mesmo en ámbitos académicos, inquietantes doses de hibridación con aquela lingua.

Para desenvolver estes puntos de partida, preséntase unha organización das cinco contribucións que avanza do máis xenérico a cuestións máis concretas:

          –   “Lingua oral, calidade da lingua e futuro do galego”, de Xosé Ramón Freixeiro Mato.

          –  “A preocupación por unha lingua oral de calidade: aproximación histórica ao caso do galego nos anos finais do século XIX e nos inicios do XX”, de Xosé Manuel Sánchez Rei.

          –  “Arredor da calidade da lingua no teatro da primeira metade do século XX”, de  Laura Tato Fontaíña.

          –  “Eduardo Pondal á procura do verbo sublimado. Arredor das re-escrituras pondalianas”, de Manuel Ferreiro.

          –   “A estética da seguranza. Lingua e transcendencia en Rosalía”, de Goretti Sanmartín Rei.